Ezarritako zerbitzu minimoak errekurrituko ditu ELAk

Eusko Jaurlaritzak gaurtik aurrera erabaki du Enviserreko langileentzat gutxieneko zerbitzuak ezartzea, eta, horrela, martxoaren 26tik langileek egiten ari diren greba mugagabea baldintzatu du. Eusko Jaurlaritzak sute-arriskuei edo trafikoko gorabeherei buruzko txostenen bidez justifikatzen du neurria. ELAk zerbitzu juridikoekin baloratuko du erabaki hori errekurritzea, justifikaziorik gabekoa delako eta, gainera, grebarako eskubidea urratzen duelako.

Sindikatuak erantzukizuna eskatu die Enviser enpresari eta Udalari gatazka desblokeatzeko eta Gasteizko parke eta lorategiak normaltasunera itzultzea lortzeko irtenbideak bilatzeko orduan. ELAk aldarrikatu du Udala dela azpikontratatutako enpresa pribatuaren eta plantillaren arteko bitartekaritza egin behar duena, plantillaren eskubideak zaintzea eta herritarrei kalitatezko zerbitzua eskaintzea bermatzeko.

Orain funtsezkotzat jotzen da baldintza prekarioak dituen lan bat: egungo plantilla estatu mailako hitzarmen batek arautzen du, eta soldatak LGStik gertu daude. Lan baldintzak hobetzeko asmoz 80 egun baino gehiagoko greba mugagabearen ondoren, patronalak soldata igoerak negoziatu nahi gabe jarraitzen du.