Getxoko Akuarioko (Getxo Aquarium) langileek hilabete baino gehiago daramate greba mugagabean

2019/11/20
Getxoko Akuarioko langileek urriaren 14tik daramate greba mugagabean, eta bi kaleratutako langile berriro onar ditzatela aldarrikatzen dute (horietako bat ELAko langileen ordezkaria da), bai eta zerbitzuaren enpresa esleipendunak Gizarte Esku-hartzeko Hitzarmena behar bezala aplikatzen ez duela ere. Era berean, Getxoko Udala, gertatzen ari diren irregulartasun guztien jakitun, inplikatzeko eskatu dute.

Gogoratu behar da bi langileak kaleratuak izan direla beren eskubideak eta gainerako lankideenak erreklamatzeagatik eta defendatzeagatik.

DISETECMAR enpresa da Getxoko Akuarioaren egungo kudeatzailea (udalaren jabetzakoa). Getxoko Akuarioko langileek ia bi urte daramatzate Akuarioko Zuzendaritzarekin sektoreko hitzarmenaren aplikazioa negoziatzen. Plantillari ez zitzaion hitzarmenik aplikatzen, eta horregatik epaitegira jo behar izan zuten egoera hori erreklamatzeko. Aplikatu beharreko hitzarmena Bizkaiko Esku-hartze Sozialeko Hitzarmena dela ebatzi zuen epaitegiak.

Une horretatik aurrera, bai ELAko ordezkariak bai gainerako langileek borrokan dihardute lan-baldintzak hitzarmen horretan jasotzen den bezala aplika daitezen lortzeko.

Enpresak uko egin dio plantillarekin hitz egiteari, eta egiten ari den gauza bakarra langileen greba eskubidea urratzea da, langile bat kontratatuz. Bestalde, Getxoko Udalak uko egin dio langileei hitzondua egiteari, egoera desblokeatzeko.

Getxo Aquariumeko langileek greban jarraituko dute Disetecmarrek kaleratutako lankideak onartu eta Gizarte Esku-hartzeko Hitzarmen Kolektiboa eduki osoan eta modu egokian aplikatu arte. Era berean, Getxoko Udalaren presazko inplikazioa eskatzen dute, pleguetan ezarritakoaren aurkako egoera horren jakitun baita, eta neurriak hartu beharrean, beste aldera begiratzen baitu.

Hori guztia dela eta, datorren azaroaren 28an, Akuarioko plantilla Getxoko Udaletxeko Atean kontzentratuko da, “Kazerolada” bat egiteko 9: 00etan.