Gipuzkoako kale garbiketako eta ondakinen bilketako 2022ko soldata %6,8ko igoerarekin eguneratuko da
ELAren gehiengo absolutua zuela, 2020, 2021 eta 2022 urteetarako Gipuzkoako Kaleak Garbitzeko Hitzarmena sinatu zen, urtero KPItik gorako soldata igoerak aintzat hartuz. Otsailaren 15ean taula berriak sinatuko dira eta, horren ondorioz, Gipuzkoako Kale Garbiketaren sektorean lan egiten dutenek %6,8ko soldata igoera izango dute; antzinatasunik gabeko peoi batentzat urtean 1.829 euro gehiago kobratzea esan nahi du. Garrantzitsua da soldata igoerak KPIaren araberakoak izatea, bereziki prezioak esponentzialki igo diren urtean.
Egindako lana ordaintzera datorren soldata da, ia beti, langile klaseak duen diru iturri bakarra bere gastuei aurre egiteko eta oinarrizko beharrak betetzeko. Horregatik da garrantzitsua, gutxienez, prezioekin paraleloan eboluzionatzea eta, hartara, erosteko ahalmenari eustea.
Bestalde, ez da ahaztu behar soldatek pisua galdu dutela azken hamarkadan aberastasunaren banaketan, eta negoziazio kolektiboa da jarrerak berreskuratzeko tresnarik onena.