ADMINISTRAZIO OROKORRA

Gobernuak ezarritako ordutegi aldaketak kontziliazio kaltetetzen duela salatu dute hileta elizkizun batean

2023/03/02
ELAk eta LABek deituta, gaur 2 orduko lanuztea egin da Euskal Autonomia Erkidegoko lantoki guztietan, Gasteizko Gobernuaren azken ezarpenaren aurka: lanaldia, gehienez ere, 17:30ean amaitu behar da. Eusko Jaurlaritzak alde bakarrez erabaki du lanaldi modalitateak murriztea, batez ere lanaldi mistoen eta zatituen B modalitatea. Horren ordez, lanaldia 17:30ean amaituko dela jakinarazi du. Sindikatuek salatu dute neurri horrek murriztu egiten duela administrazioko langileen kontziliaziorako eskubidea. Horregatik, neurri hori bertan behera uztea eskatu dute, sindikatuekin negoziatzea eta alde bakarreko neurriak berriro ez hartzea, are gehiago kontziliazioari kalte egingo badio.

Langileek 'hileta' bat irudikatu dute eskubide horren 'heriotza' salatzeko. Beltzez mozorrotuta eta zerraldo batekin, sarreran eta, ondoren, sarreran protesta egin dute.

Eskubide galera

Eusko Jaurlaritzak argudiatu du ordutegi berriarekin energia aurreztu nahi duela. Sindikatuak, ordea, ez datoz bat irakurketa horrekin. Azaldu dutenez, Jaurlaritzak helburu argia dauka: langileek egun libre gutxiago izatea. Izan ere, B modalitatean, Administrazioko langileek egunean 8,15 ordu lan egiteko aukera zuten. Lanaldi arruntean ezarritakoa baino gehiago izanik, ordu horiek egun libreetan metatu eta errekuperatzen ziren.

Bide beretik, malgutasuna ere murriztu nahi dute. Lanean noiz hasi eta bukatu erabakitzeko malgutasuna zutenean, langileek kontziliaziorako aukera gehiago zituzten.

Era berean, kontuan izan behar da, alde batetik, lanaldi zatituetan bazkaltzeko etenaldia murriztu egin dela; eta, bestetik, lanaldi jarraituetan plantillak 30 minutuko ordaindu gabeko nahitaezko etenaldia egin behar duela egunen batean orduak berreskuratu behar izanez gero, betiere 8 orduko edo gehiagoko lanaldia egiten badute.