BIZKAIKO ESKU-HARTZE SOZIALA

Greba apirilaren 17an eta maiatzaren 8an

2024/04/05

Bi urte baino gehiago daramate hitzarmenik gabe sektorean lan egiten duten 5000 pertsonek etaitzarmenaren negoziazioaren blokeo egoeraren aurrean, ELAk beste bi greba egun deitzea erabaki du. Erosteko ahalmenaren galera %15etik gorakoa da eta lan osasunaren eta kontziliazio neurrien arloan aurrerapenik ez dago,

Sektoreak funtsezko zerbitzuak eskaintzen ditu: Gizarteratze eremuan, etxerik gabeko pertsonentzako eta babesgabetasunean daudenentzako zerbitzuak, emakumeei bideratutako zerbitzuak (harrera etxeak, laneratzea...), babesgabetasun egoeran dauden adingabeekin egiten dute lan, zerbitzu soziokulturalak eskaini... baina horietako asko pribatizatuta eta azpikontratatuta daude.

Honezkeo, hamar greba egun deitu dira jada sektorean, eta horiek funtsezkoak izan dira kolektiboaren lan osasunarekin lotutako gaiak mahai gainean jartzen hasteko. ELAk (sektoreko ordezkatzaren % 47rekin) patronalak, EUDEL (zerbitzuen %70aren ordaintzailea) eta Bizkaiko Foru Aldundia (zerbitzuen % 20aren ordaintzailea) deitu zituen martxoaren 18an bilera mahaira. Zoritxarrez, azken bi horietako inor ez zen bertaratu. Gauzak horrela, Esku-hartze Sozialeko langileek argi dute mobilizaziorik eta grebarik gabe patronalek egoera blokeatzen jarraituko dutela.