Justiziak Bizkaiko Aldundia zigortu du Gizarte Urgazpenerako Foru Erakundean erretiratutako sariak ordaintzera
Iazko udan, Bizkaiko Foru Aldundiak aldebakarreko erabakia hartu zuen Bizkaiko Foru Aldundiaren lan baldintzak arautzen dituen hitzarmenaren 93.1,95 eta 96. artikuluak (1. eta 2. paragrafoak) eta 3. Xedapen Iragankorraren 3. ataleko kalte ordainak indargabetzeko. Hain zuzen ere, erretiro aurreraturako eta ezintasunerako irakurriko sariak arautzen zituzten xedapenak.
Aldundiaren erabaki horren aurrean, hainbat mobilizazio egiteaz gain, ELAk demanda bat aurkeztu zuen indargabetutako artikuluak berehala indarrean jartzeko.
Bada, epaiak bere osotasunean onetsi du ELAk egindako eskaera. Adierazi du artikulu horiek ez direla legearen aurkakoak, eta ez dutela urratzen erretiroa edo ezintasun iraunkor osoa hartzeko legezko araurik. Horrez gain, lan kontratuko langileen hitzarmen kolektiboa ekarri zuen negoziazioaren barruan lortutako primak (erretiroagatik, uko egiteagatik edo ezintasun osoagatik) baino ez dituzte ezartzen, eta ez dago inolako mugarik kolektibo horrentzat. Are gehiago, onartu berri den Euskal Enplegu Publikoaren Legeak giza baliabideen plan baten barruan primen sistemari eusteko ahalmena ematen die euskal erakunde guztiei.
Aplikatzeko legezko inolako mugarik ez egoteaz gain, epaiak dio Foru Erakundeko errektoreek ez zutela hitzarmena errespetatu, ez zutela jo horretarako ezarritako batzorde paritariora, ezta hitzarmenak ez aplikatzeko Langileen Estatutuan ezarritako prozedurara ere.