AP-8 AUTOPISTA (BIZKAIA)

Langileek 11 greba egun deitu dituzte ekaina eta uztaila bitartean

2023/06/08

Greba-egunak ekainak 16, 17, 18, 23, 24, 25, 29, 30 eta uztailak 1, 2, 3 izango dira. Azken urteetan, GESBISAk lanpostuak murriztu eta langileen lan-baldintzak aldatu ditu. Orain, plantillaren baldintzak okertzen jarraitu nahi du. Negoziazioek 18 hilabete baina gehiago daramate blokeatuta.

Bizkaiko Foru Aldundiak INTERBIAK sozietate publikoaren bidez azpikontratatutako zerbitzu publiko baten inguruan mintzo gara. Hala ere, negoziazioa blokeatuta egon arren, ez dio bere erantzukizunari aurre egin. Bien bitartean, GESBISA enpresa emakidadunak azpimarratu du ezin diela plantillaren aldarrikapenei erantzun, errepide honen ustiapena esleitzeko erabili zen baldintza-agiria egokia delako.

Azken urteetan, GESBISAk langileen lanpostuak murriztu eta lan-baldintzak aldatu ditu. Orain, lan-baldintzak okertzen jarraitu nahi du. Enpresak ez die erantzun proposatutako hobekuntza sozialei, eta ez du bermatzen erosteko ahalmenari eutsiko zaionik.

GESBISAko enpresa-batzordeak Aldundiari exijitu dio gatazka honetan jarduteko, enpresaren aldeko jarrera ez hartzeko eta plantillaren aldarrikapenak aintzat hartzeko. Hori lortzeko gai ez bada, zerbitzua irauli eta kudeaketa publikoa egin beharko luke. Aldarrikapen horiei jaramonik egin ezean, deitutako egunez gain, greba eta mobilizazio gehiago izango dira.