Manifestazioa Bilbon, Venerables Sacerdotes erresidentzia itxi nahi dutela salatzeko

2022/09/23

ELAk salatu du Gotzaindegiak asmoa duela Bilboko Venerables Sacerdotes erresidentzia berehala ixteko eta 15 langile baino gehiago kaleratzeko. Bizkaiko hiriburuan egindako manifestazio batean, sindikatuak salatu du zuzendaritzak ez duela informaziorik eman nahi eta uko egin diola ELArekin hitz egiteari. Bitartean, dio ELAk, Gotzaindegia zahar egoitza ixten ari da. Sindikatuak jakin duenez, Gotzaindegiak dagoeneko bertan behera utzi du zeukan kontratua GASCA enpresarekin, hau da, erresidentziara jatekoa zeraman katearekin.

Bilboko erresidentziako langileak uztailaren 4tik daude greba mugagabean. Zentroko erabiltzaile batzuk Miserikordia Egoitzara (Bilbo) eramango zituztela zabaldu zenez, ELAk greba mugagabea deitu zuen, langileen lan baldintzak defendatzeko. Grebarako deialdia egin zenetik, etengabeko aldaketak izan dira, bai egoitzako zuzendaritzak, bai Gotzaindegiak, bai Misericordia egoitzak berak eraginda. Horrek gatazka larriagotzea eragin du.

Orain, langileek egoera tamalgarria bizi dute. “Informazioa jasotzeko eta negoziatzeko eskubidea ukatzen zaie; bitartean, jakiak husten ari direla ikusten dute, beraz, argi dago zuzendaritzak erresidentzia behin betiko eta berehala ixteko asmoa duela”.

Gauzak horrela, gatazka eragin duten erakundeei atzera egitea eskatu die ELAk, alegia, Bilboko Venerables Sacerdotes de Bilbao erresidentziari, Bilboko Casa Misericordia etxeari eta Gotzaindegiari.