Zaintzari lotutako gizarte zerbitzuak arriskuan ipini ditu Bizkaiko Aldundiak

2021/10/21
ELAk elkarretaratzea egin du Bizkaiko Diputazioaren aurrean zaintza eta gizarte zerbitzuetan egiten ari den murrizketak salatzeko, hots, hirugarren sektorean. Loiuko San Jose Artesano adingabeen zentroan, adibidez, 70etik 36 plazara pasa dira, %52ko murrizketarekin.

Zaintza eta gizarte zerbitzuen prekarizazio politika salatzeko elkarretaratzea egin du gaur ELAk Bizkaiko Diputazioaren aurrean. Izan ere, pandemiak zerbitzu horiek premiazkoak direla agerian utzi arren eta arduradun publiko nagusiek (Bizkaiko Foru Aldundiak, Udalek eta Eusko Jaurlaritzak) sistema unibertsal eta inklusibo baten aldeko hitzak erabili arren, ekintzek bestelako egoera erakusten dute: gizartean esku hartzeko eta zaintza sektoreko ehunka langile eta, ondorioz, eguneroko lana egiten duten kolektibo guztiak bazterketara eramateko neurriak hartzen ari dira langileak gutxituz, egutegi jasangaitzak ezarriz, ratioei jaramonik egin gabe, edota administrazioak berak Zorroari buruzko Dekretuan funtsezkotzat jotzen zituen zerbitzuak itxiz eta murriztuz, besteak beste.

Bizkaian nabarmena da egoera hori. Esaterako, pandemia beteak ELAk honako hauek salatu zituen: Gernikako Lurgorriko Eguneko Zentroa pribatizatzea, Karranzako adingabeen zentroa ixtea 11 pertsona kaleratuta, edo Kontsumobideren zerbitzua ixtea, besteak beste. Eta orain, 2021ean, pandemiaren irakaspenei bizkar emanez, beste honako hauen berri izan dugu: Bizkaiko Gizarte Laguntzarako Foru Erakundeak San Jose Artesano Ikastetxearekin (Loiuko adingabeen zentroa) sinatutako lankidetza-hitzarmena aldatu du, artatutako plazen kopurua murriztuz, eta horrek automatikoki bi hezkuntza-talde ixtea eta langileen erdiak kaleratzea dakar; hain justu, hori guztia aplikatzekoa den hitzarmena amaitu eta berritzear denean.

Tamalez, horrela aitortzen dute gure administrazioek zainketen produkzio-balioa, pertsona ahulenak zaintzen dituzten baliabideak itxiz eta pribatizatuz.

ELAk gogor salatzen du egoera hori, eta erakunde publikoei eskatzen die beharrezkoa dela eredua aldatzea, zerbitzu horiek erabiltzen dituzten langileen eta pertsonen benetako premiei erantzungo dien hitzarmena egitea, eta, horretarako, pertsonak zentroan jartzea, honako hauek bermatuz:

  • Enpleguari eustea eta hobetzea
  • Gizarte zerbitzuak mantentzea, hobetzea eta garatzea
  • Arreta ratio hobetzea
  • Zerbitzuak arautzen dituzten dekretu ohien berrikuspena eta eguneratzea
  • Dekretu berriak garatzea arautu gabeko sektoreetan (enplegu-zentro bereziak, gizarte-ekintza…)
  • Gardentasuna EAEko zerbitzuen mapa garatzean
  • Zainketa-zerbitzuak argitaratzea