Zuzendaritzak ez du sindikatuetako ordezkariekin bildu nahi izan Madrilen

ELAk kritikatu du enpresaren itxikeria, sindikatu nagusiekin bakarrik hitz egiten duelako. Gogorarazi du III. Hitzarmen Kolektiboa eta Correoseko langileentzako Akordioa aldatzeko aukera ezartzeak ondorio larriak izan ditzakeela lan-baldintzetan eta, ondorioz, plantillak ematen duen posta-zerbitzu publikoan.

CEnpresak eta CCOO, UGT, CSIF eta Sindikatu Librea sindikatuek milaka lanpostu suntsitzea ekar dezakeen akordioa sinatu dute. Izan ere, langileen gastuak % 85etik % 70era igaro daitezke bi urtetan, ordainsari-erregimena jardueraren neurketa indibidualekin lotu daiteke.

Akordio horren aurkako batasun sindikalak etorkizuneko IV. Hitzarmen Kolektiborako eta Akordiorako eskubideak dituen erregulazio bat eskatzen du, lerro nagusiak hobetzeko, hala nola soldata, lanaldia, kontziliazioa eta lan-osasuna. Besteak beste, soldatak KPIarekin lotzeko berrikusteko klausula, asteko 35 orduak ezartzea, egiturazko plaza guztiak benetan betetzea eta galdutako milaka lanpostu berreskuratzea. Madrildik inposatu nahi dutenaren guztiz kontrakoa.

Enpresak sindikatu guztiekin negoziatzeari uko egiten diola ikusita, protesta ekintza eta mobilizazio gehiago iragarriko dituzte.