103 mahaia. Negoziazioa nahi dugu, ez inposiziorik

Sail honek otzan-otzan onartu ditu Rajoyren erabakiak, bereak bailiran, eta gainera, harago joanda, azken urtean ikusi izan dugu egunetik egunera ertzainen eskubideak hondatzen ari direla inposizio unilateralen ondorioz:

• Soldata murrizketak, lan-eskubideen galera (baja laborala, 35 orduko lanaldia, norbere gaietarako egunak, Itzarri...).

• Lanpostuen zerrenda aldatzea, Ertzaintzari eredu berri bat ezartzeko; arau nagusia, ultra-malgutasuna.

• Ikertzeko eredu berri bat ezartzea, pertsonal kontuan murrizketa handiekin; honek antolakuntzari dagokionez kaosa eragin du, eta ondorioa herritarrentzako oso zerbitzu txarra izango da.

• Etengabe egiten dira deialdiak zerbitzu-eginkizunetarako eta derrigorrezko adskripzioak ezartzeko; emaitza, etengabeko interinitatea.

• Azkoiti eta Zarauzko komisariak bateratuta mantentzeko erabakiari eustea, beronen porrota agerikoa izan bada ere; gainera, halako bateratze gehiago egiteko asmoa dago.

• Aldebiko bilerez baliatzen dira aldaketa hauetan laguntzaile diren sindikatuen mesedetan.

• Ertzainei arazoak besterik eragiten ez dizkieten gestioekin entretenitzen eta distraitzen ari den bitartean, agerian uzten du Legea betetzeko asmorik ez duela, Lan-baldintzen Akordiorako proposamenik ez baitu egin, ELAk berea duela hilabete eta erdi egin arren; bestalde, Ertzaintzan ezarritako murrizketa guztiak mantentzen ditu.

Jokabide hau ertzainekiko errespetu falta izugarria da, eta erantzun egin behar diogu; hitz ematen dugu erantzun hau antolatuko dugula, mesedeen truke Sailarekin kolaboratzen jarraitu nahi ez duten sindikatuekin.

Egoera hau ikusirik, ulergaitza gertatzen da ESAN sindikatuaren menpekotasuna; inposizioak salatzen ditu jendaurrean, baina Mahaian jarraitzen du, Administrazioari babesa emanez; izan ere, bilerak publiko izatearen aurka dagoen sindikatu bakarra da bera.

Antolatzeko eta erantzuteko unea da

MOBILIZA ZAITEZ!!!

Gure eskubideak jokoan daude