103 Negoziazio mahaia

2016/07/13
Gaur, uztailak 13, Segurtasun Sailak berriro ere argi erakutsi du ez duela inolako negoziatzeko nahirik. Hortaz, lege-iruzurra egiten du, ezen legeak ezarritako tresnak erabiltzen ditu bere nahi hutsak inposatzeko. 103 negoziazio mahia eta Ertzaintzaren kontseilua

Murrizketak inposatzen hasi eta 2016 Ortzimuga Plana ezarri zirenetik, hau da: Ertzain-etxeen itxierak, ikerketa arloan prekarietatea, lan-egutegien aldaketak, etab…, eta, Akordio Arautzailearen indarraldia bukatu zenetik, ELAk negoziazio mahai guztietan exijitzen du inposizio dinamika honen aldaketa, eta, behin eta berriz, Segurtasun Sailaren ordezkariek beti uko egin die. Gaur egin diren bi bilerek argi uzten dute Sail hau inposaketekin eroso dagoela, eta Ertzaintzako langileei ez diela inolako errespeturik.

 Uko egiten dio:

 

  • Ertzain guztien eros ahalmena errekuperatzeaz hitz egiteari
  • Itzarriko ezarpenen itzulketak egiteari
  • Behin-behineko lan-ezintasun osagarria itzultzeari
  • Oraindik zor zaigun aparteko Pagaren zatia itzultzeaz hitz egiteari
  • Jubilazio-osagarria itzultzeari
  • 2016 Ortzimugaz, eta eragin duen prekarietateaz, hitz egiteari
  • Karrera profesionala abian ipintzeari

 Aldiz, inposatzen du:

 

  • Burutza-osagarria 3.892€/urteko
  • Ertzaintzako Zuzendariaren txosten premia ezartzen da aparteko ordain edo haborokin eskubidea jaso ahal izateko, ondorengo kasuetan: ordutegi malgua duten ertzainek, lan-plangintzan atsedenaldia izanda HSeko funtzioak egitera deitua direnean. Benetan atsedenean eta HSeko funtzioetarako deitua izan dela egiaztatzen duena, alegia.
  • Aparteko orduen balioa 2€ igotzen da.
  • Egun librean lan egindako denboraren zenbaketa igo egiten da: egun librean astelehenetik ostiralera 1minutu eta erdi lan egindako ordu bakoitzeko. 3 minutu gaueko aldian lan egindako ordu bakoitzeko, eta 4 minutu asteburu edo jai-egunetan lan egindako egun bakoitzeko.
  • Mantenu-ordaina 17€tara igotzen da, eta aurrerantzean aparteko Haborokina edo produktibitate osagarria izango da.
  • Agente 1ªren funtzioak egiten duen agentea 3€rekin ondo ordaindua dagoela diote
  • Txandakako ordutegia izan gabe lan egin zutenen 42€ko Eguberri-ordaina erreklamatzen dute

 

Soil-soilik, zerbitzu-jardunaren modulazioaren (SAM) aplikazioan sortzen diren arazoak konpontzeko konpromisoa hartu dute. Ezen  batez ere Bizkaiko Unitatetan behartutako txanda-aldaketak egiten dira, eta abuztuaren erdialdetik aurrera  XXV. promozioko ertzainak destinatuko dira lanpostu horietan. Ondoren urtearen azken aldera zerbitzu-eginkizunetarako deialdia egingo da,  ordurako jubilazioak direla eta bajak ere aurreikusten baitira. 

ELAren proposamena akordio arautzaile berri bat negoziatzea da. Baita, kalte-ordain dekretua eguneratzea ere, eta lan-postuen balorazio berria egitea. Era honetara  Lan-Zerrendan (RPTan) Goi Zuzendaritzako lanpostuak bakarrik gordeko dira izendapen askeko postuetarako (LD), hau da, Intendente eta Superintendenteak soilik. Horrelakorik onartzen ez dutenezmobilizazioekin jarraitzea beste biderik ez dago.

SAILAK DUEN JARRERA ZIKOITZ ETA ERRESPETURIK GABEKOAREN AURREAN BORROKA ETA MOBILIZAZIOA BESTERIK EZ DA GERATZEN