ELA-Ertzaintza Europako Sindikatu Konfederazioak (CES-ETUC) “PAY RISE” kanpañaren alde

2017/06/26

Kanpaña honen bidez ekonomia-zorroztasunarekin bukatzea exijitzen da, eta salatu langileak ari direla krisia ordaintzen.

Europako Sindikatuen Konfederazioan parte da Zerbitzu Publikoko Europako Sindikatu Federazioa(ZPESF). Hau da Europako Sindikatuen Konfederazioko kide nagusia. 260 sindikatutan antolatuta dago; arlo publikoko zortzi milioi langile baino gehiago biltzen dira bertan. Energia, ura, hondakinak, gizarte eta osasun zerbitzukoak, tokiko eta estatu administrazio ataletako Europa osoko langileak daude; baita, Europar Batasunaren Ekialdera auzo-estatuak ere. Europak Zerbitzu Publikoko Internazionalean (ZPI) duen erakunde ofiziala da ZPESF.

KANPAINA HONETARAKO ARRAZOIAK

ELA, Europako Sindikatu Konfederazioko parte den aldetik, salaketarekin bat egiten du. Izan ere, eta laburbilduta:

Lan-saria: Gobernuak 2010ean arlo publikoko lan-sariak %5ean jaitsi zituen, eta, aldi berean, 2011 bukatu bitartean soldatak izoztuko zituela adierazi zuen. Hala ere, izozketa hori dezentez gehiago iraun zuen; hain zuzen ere, ez zen lan-sari igoerarik egon 2016an %1eko balioa berreskuratze txepel bat egin zen arte. Sindikatuen kontuen arabera, alor publikoko langileek euren eros-ahalmena %15ean galdu dute.

Orduak: 2011n ipini zen 37,5 lanorduko astea alor publikoko langile guztientzat. Horrek udal eta autonomia administrazioetako langile askorentzat ekarri zuen 2,5 orduz lan-astea luzatzea, ordainetan ezer jaso gabe.

Lana: alor publikoan 216.400 lanpostu galdu dira.

2008ko finantza-krisiari erantzuteko, hau da, sistema egonkortu eta bankuak bermatze aldera, diru-funts publikoak mogitu zituzten gobernu europarrek. Hala, alor pribatuan jarduera eta inbertsioa erori ziren unean, gastu publikoak europar ekonomiari berean eusten lagundu zion. Alabaina, estatu askotako exekutiboek ekonomia-zorroztasun neurriak hartzen hasi ziren, gastu publikoa nabarmen gutxituz, eta europar batasuneko erakundeek behartuta, gainera. Arlo publikoko langile askok zuzen-zuzenean nozitu zituzten, Europa osoan, ekonomia-zorroztasun neurri horiek. Europar Batasuneko 19 estatuk, bai gobernuek eta baita enpresa publikoek ere, guztira 20 miloi langileren lan-sariak murriztu edo izoztu zituzten. Horrela bada, arlo publikoko langileak lanordu gehiago lan egitera behartuak izan dira ordainetan ezer jaso gabe.