ELA-Ertzaintzak Jaurlaritzari eskatu dio ez ditzala ezabatu plusak
ELAren ustez, Eusko Jaurlaritzak ezin du Auzitegi Gorenaren epaian eta sindikatu korporatiboen jarduketetan oinarritu, Sailak beste murrizketa bat aplikatzeko eta eskubide gehiago ezabatzeko arnasa ematen baitie. Gogora ekarri du Auzitegi Gorenak orain diskriminatzailetzat eta legez kanpokotzat jo dituen artikuluak -produktibitate plusa eta Zerbitzu Aktibo Modulatua (NSA)- Eusko Jaurlaritzako Segurtasun Sailak eta zerbitzu juridikoek bermatu dituztela urteetan, baita Lehendakariak berak ere, Ertzaintzaren akordio arautzailearen testu artikulatuaren aldaketak Lehendakariak berak sinatzen dituen dekretuen bidez egiten baitira; aldaketa horiek Poliziaren Legean ere sartu dira.
Beraz, uste dute Gobernua dela azken erantzulea, eta produktibitate-osagarria eta NSAren erregulazioa berehala baliogabetzeko eskatu diote, gutxienez beste akordio bat lortu arte.
ELAk proposamen bat du, oinarri horiek mantenduz, kolektibo guztientzat bidezkoa dena eta diskriminazioa ezabatuko lukeena; sailburuak negoziazio-mahaira noiz deituko zain daude.