ELAk exijitzen du Ertzaintzan prekarietatearekin bukatzea
Eusko Jaurlaritzari eta Segurtasun Saileko arduradunei, 8.000 kidez hornitutako Ertzaintza osatzeko premia, euren gain hartzeko exijitzen die ELA-Ertzaintzak. Gainera, ikerketako polizia-ereduaren eta Ertzaintzaren antolaketa-ereduaren aldaketa erabakitzea; eredu horiek baitira oraingo egoerara Ertzaintza eraman dituztenak; eta, aldi berean exijitzen dugu, aurreko urte hauetan Ertzaintzan murriztu dituzten eskubide guztien berreskuratzea, eta hitz-hartutako Ertzaintzako lan-akordioen betetzea.
Gaur egun Ertzaintzan 700 ertzain baino gehiago falta dira (350 patruila), eta datozen urteetan ez badira neurririk hartzen, gabezia hori biderkatuz areagotzen joango da.
Pertsonal-gabezia honek, besteren artean, ondorio hauek eragiten ditu Ertzaintzan:
• Lan-egutegietan ezarritako atsedenak ez dira betetzen.
• Pertsonal-gabeziak eragindako zuloak betetzeko ertzainen mugikortasun geografikoa eta funtzionala ohikoa bihurtzen da.
• Herri Segurtasuneko atalak, ia euretako kiderik gabe dela ere, gainerako atalen funtzioak bere gain hartu beharr izaten ditu. Esate baterako, Gasteizko ertzain-etxeak Zaballako espetxeko presoen leku-aldatzeen erdiak egiten ditu, BM-aren ardurakoa izanik ere; eta hurrengo LZ-an oraindik eta pertsonal-murrizketa gehiago izango du ertzain-etxe horrek, bere eremuko biztanleria gora badoa ere.
• Aitortutako eskubideen gauzatzea sistematikoki ukatzen da.
• Polizia-zereginetarako erabiltzen diren ibilgailuak erabat desegokiak dira, eta, euren diseinua eta egokitzapena dela-eta, langileen osasunari kalte egiten die.
• Herri Segurtasuneko atalean polizia-zereginak segurtasunez bete ahal izateko beharrezkoak diren kideen gutxiengoak jaistea ohikoa da.
• LAZLZ (SOS-Deiak) zerbitzuak zentralizatu egin nahi da, gizarteari jakinarazten zaionaren kontra egin ere, eta, ondorioz, Ertzaintza herritarrengandik urrutiratu egiten da.
• Gipuzkoan ertzain-etxeak itxi egiten dira: Azkoitia, Beasain eta Zumarraga.
• Ikerketa-arloa porrot eginda dago, egunetik egunera zerbitzua okerragoa da. Euren lana egiteko nahikoa pertsonalik ez dituzten unitate batzuetako taldeak hornitzeko antzeko pertsonal gabezia dute beste unitate batzuetako kidez konpontzen da; ondorioz herritarrek ez dute behar bezalako zerbitzurik izaten.
• Polizia-zientifikoak bere lan-txandak bete ahal izateko pertsonal nahikorik ez du, eta ehunka perituen txosten dituzte atzeratuta; gabezia horrek eragindako eskasiak konpontze aldera, berriz, administrazioa bera behartua izaten da kanpoko kontrata bidezko zerbitzuak kontratatzera.
• Herritarrekiko egon behar den gutxiengo aurrez aurrekoa, berriz, 2019an gutxiagotu egingo da, % 23 izan arte, hori horrela izango da, adibiderako, Hernanin. Beste unitate batzuek, euren kokalekuagatik lan-karga bereziak dituzte, Irun kasurako, eta duten pertsonalarekin ezin dira denera iritsi; eta Bizkaiko Lan-unitatetan bereziki larria da egoera hau, adinean aurrera doazen pertsonak dira, asko eta asko, eta jubilatzeko zorian daude-eta.
Azken batean, gaur egun Ertzaintzan dagoen egoera eutsi-ezinezkoa da, eta kolapsoaren zorian dago. Eusko Jaurlaritzak eta Segurtasun Saileko arduradunek 8.000 kidez osatutako Ertzaintza bermatu dezaten; eta, gainera, polizia-eredua eta Ertzaintzaren antolaketa-eredua aldatzea erabaki, eta egin diren murrizketa guztiak berreskuratu ahal izateko, ertzain guztion inplikazioa behar-beharrezkoa da,