ELAk gaur egun ematen den prestakuntzaren eraldaketa sakona eskatuko dio AVPEren Kontseilu Errektoreari
![](https://www.ela.eus/eu/gizalan/ertzaintza-foruzaingoa/albisteak/elak-gaur-egun-ematen-den-prestakuntzaren-eraldaketa-sakona-eskatuko-dio-avperen-kontseilu-errektoreari/@@images/b09c688d-f4ad-44b0-a2f5-1ac748e89656.png)
Abenduaren 18an, astelehena, Polizia eta Larrialdietako Euskal Akademiaren Kontseilu Errektorea izango da Arkauten. Bilera horretan ELAk parte hartzen du, udal-eremuan gehiengo zabalarekin lehen sindikatua delako. Bilera horretan, Polizia eta Larrialdietako Euskal Akademiako arduradunek beren prestakuntza-planak aurkeztuko dituzte 2024rako. Bertan, ELAko ordezkariak, gaur egun alderdi honek dituen gabeziak eta aldaketa sakon baten beharra baloratzeaz gain, hainbat proposamen jarriko ditu mahai gainean:
• Arkauteko Kontseiluan suhiltzaileen ordezkaririk ez dagoela salatuko dugu.
• Egungo prestakuntzak dituen hutsuneak mahai gainean jarriko ditugu (hainbat arlotan, suhiltzaileak, poliziak), eta proposamen zehatzak egingo ditugu.
• Prestakuntzan atzera egiten ari garela salatuko dugu. Lehen, data zehatzekin ematen ziguten plangintza; orain, berriz, zerrenda bakarra, data zehatzik gabe.
• Egungo prestakuntza sakonki eraldatzeko beharra azpimarratzeaz gain, epe ertainerako beharrezko prestakuntzari buruz hausnartzeko eta erabakiak hartzeko foro bat sortzeko eskatuko du, hainbat eragile eta erakunderen parte-hartzearekin.
• Bestalde, eta urgentziaz, gaur egun ezagutzen dugun soziograma prestakuntzatik kentzea eskatuko dugu.
ELAk uste du gaurko polizia-ereduak sakoneko aldaketak behar dituela, eta aldaketa horretarako alderdiak izan behar duen zeregina funtsezkoa izango dela.