ErNE eta ESANEK ez dute beren erantzukizuna beren gain hartzen

2019/12/12
ErNE eta ESANEK ez dute beren erantzukizuna beren gain hartzen
Abenduaren 10 eta 11n hedabibe ezberdinek Ertzaintzaren Garapen Profesionalerako Sistemaren informazioa eman zuten. Informazio horren aurrean ELA-Ertzaintzak zenbait gogoeta egin ditu

Gai horri buruz, oraindaino ELAri ez zaio inolako proposamenik eman; ezta ere, ez da tratatu 103 mahaian Garapen-profesional hori betetzeko parametro edo ebaluazio moduak zeintzuk izango diren. Beste era batera esanda: 7/2029 Legeak, Polizia Legearen bostgarren aldaketari dagokionak, 73 bis artikuluan, eta Laugarren Azken Xedapenean  dioena eguneroko jardueran ezartzerako erreglamendua egiteko behar-beharreko tramitea oraindik ez da egin. Horren ordez, ErNE eta ESAN GGBBetako Zuzendaritzarekin <<negoziatzen>> ari dira, 2011n eurak sinatutako Akordioa baliatuz.

 

·         Titularrak dio: <<urtean bederatzi egunetan lan-baja hartzen duen ertzainak 4.000€ galdu ahalko ditu gehigarrietan>>. Hor dioena, badirudi ErNEk eta ESANek sinatutako akordiotik ateratako zehaztapena dela.  

 

·         Hain zuzen ere, sinatutako akordioan jasotzen da, benetan lan egindako orduak zenbatzeko garaian, indarrean  den  Akordio Arautzailean 34. artikuluan jasotako lizentzia- eta baimen-egunak kontuan hartuko direla; gaixotasun-lizentzia (gaixotasun edo lanekoa ez den istripuak eragindako lan-ezintasuna) eta norberaren gauzetako baimen-egunak izan ezik. Hots, lan-bajak ZIGORTZEN ditu, laneko lizentziak izan arren.

 

·         ErNE sindikatuak, beste hamaika aldiz egin duen bezalaxe, oraingoan ere, bere erantzukizunak onartu beharrean, Mahai Orokorrari errua botatzen dio, eta ELA sindikatuari erreferntzia eginten dio: <<Eusko Jaurlaritzak eta klase-sindikatuek baino parte hartzen duten Funtzio Publikoko Mahai Orokorrean onartutako akordioak inposatzen zaizkie  Ertzaintzako funtzionarioei; eta bertan ertzainen %85 ez gaude ordezkatuak. Are gehiago, Mahai Orokor horretan ordezkaritza dutenen lau sindikatuetik batek baino ez du ordezkaritza Ertzaintzako Negoziazio Mahaian. Mahai Orokorrean ertzainen lan-bizitzari dagozkien erabakiak hartzen dira, eta gure eremuko ordezkaritza urratzen dute>>.

 

·         Mahai Orokorra izan da, ordea, aurrez egindako etengabeko mobilizazioak tarteko, lan-bajaren %100 berreskuratzea adostu den tokia; eta eskubide hori galdu ahal da, Ertzaintza beste inon ez, ErNEk eta ESANek sinatutako akordia dela-eta.. Kontuan izan behar da Garapen Profesionalerako Osakidetzaren akordioa zegokion arloko mahaian onartu zela, eta ez Mahai Orokorrean; halabaina, inolaz ere EZ DU ZIGORTZEN gaixotasuna izateagatik.

 

ErNEk eta ESANek 2011n sinatutako akordiaren aurka agertu zen ELA-Ertzaintza, besteak beste arrazoi horrexegatik; hau da, gaixotasuna dela-eta, lan-baja eskubidea erabiltzeagatik, zigortua izatea itzelezko injustizia delako . Hortaz, dudarik ez izan, horrelakorik jasotzen duen Erreglamendua onartzearen aurka jarraituko dugu.

 

Galdutako eskubideak eta eros-ahalmena berreskuratzea oztopatzen duten etengabeko politikei aurka egingo dien protesta-ekitaldi eta mobilizazioak babestera dei egiten die ELAk guzti-guztiei; horietako bat, hain zehazki ere, urtarrilaren 30eko greba orokorreko deialdia da.