EuroCOP bilera

2022/04/08
ELAk EuroCOP (Poliziaren Europako Konfederazioak) Gibraltarren apirilaren 6an eta 7an egindako bileran parte hartu du

 

Bileran 23 erakunde kideren ordezkariak izan dira, eta honako gai hauek aztertu dira:

  1. Calum Steele presidentearen txostena

Poliziaren aurkako indarkeria.- Udazkeneko aurreko bileratik, LIBE (Europako Parlamentuko Askatasun Zibil, Justizia eta Barne Arazoetako Batzordea) batzordeari gutun bat bidali zitzaionetik, polizia-agenteek jasaten dituzten erasoen gorakada salatzeko, ez da aurrerapausorik eman, kontrakoa baizik, erantzuna arazoari jaramonik ez egitea izan da.

EPSUn (European Federation of Public Service Unions) parte hartzea.- EuroCOP da poliziak ordezkatzen dituen federazio bakarra, erakunde honetan ahotsa duena eta langileen eskubideen defentsan, bazterketarik gabe, baterako proiektu bat egiten ari dena (#noexclusionsinpublicservices)

Ukraniako krisialdia.- Errusiarekin muga duten Estatuetako kide diren erakundeak babesteaz gain, EuroCOPek gutun bidez eskatu dio Emmanuel Macron presidenteari nazioartean ahalegin koordinatua egin behar dela Ukrainan gerra krimenen ebidentziak biltzeko. (Ikus dokumentua)

  1. Mobilizazio proposamena poliziaren aurkako indarkeria areagotzearen aurrean

LIBE Batzordeak ez du interesik agertu Europako polizia guztiek erasoen kopurua handitzeari buruz egindako salaketen aurrean (harrigarria da, bereziki, 2017tik % 80 igo izana Norvegia bezalako herrialdeetan), herrialde bakoitzeko datu dokumentatuak bilduko dira Bruselan aurkezteko, eta han kontzentrazio bat egingo da zehazten den egunean.