Mobilizazioak
Zerbitzu publikoak pertsonen oinarriko eskubideak bermatzeko eta gauzatzeko ezinbesteko tresna dira,
justizia sozialaren adierazle dira. Langileok, eta, orokorrean, jendarteak, zerbitzu horiek baliatu ditugu
injustiziaren aurka, berdintasunerantz eta elkartasunarantzako bidea eginez.
Kalitate oneko zerbitzu publikoen sistemak, ezinbestez, zerga politika zuzena, planifikazio egokia, eta giza
nahiz material errekurtso nahikoak eskatzen ditu; aldi berean, zerbitzuek bere langileei eta erabiltzeleei parte
hartzeko aukera bermatu behar die, baita ere lan baldintza onak langileei.
Azken urteetan Eusko Jaurlaritzak egundoko murrizketak ezartzen ari da gure babes eta ongizate sisteman,
aurrekontuetan errekurtsoak ukatzen ditu eta negoziazio kolektiboari bizkarra eman dio. Madrilgo inposizioa
aitzakia dute, baina sarri frogatu dute oinarriko irizpideetan bat egiten dutela, enplegu publikoa
suntsitzearekin, soldatak gutxitzearekin nahiz lan baldintzak kaskartzearekin ados daude.
ELAk eskakizun zehatz bat du Eusko Jaurlaritza eta Aurrekontuak onartu behar dituzten Legebiltzarreko
alderdientzat:
1. Enplegu publikoa sortu:
• Negoziazio esparru batzuetan adostutako jardunak errespetatzea. 2012ko martxoko dekretua bertan
behera uztea berehala.
• Ordezkapenak lehen egunetik betetzea.
• Lanpostu hutsak ez amortizatzea.
• Zerbitzu publikoen pribatizazioa geldiarazi.
• Enpresa eta sozietate publikoetan enplegua mantentzea.
• EPE deialdiak egitea sistemaren benetako beharretara egokituta
• Zerbitzu publiko guztietan beharizanak aztertzea, eta giza errekurtso falta sumatzen direnetan
zerbitzu horiek indartzeko neurriak hartu; Lanbideren kasuan, zehazki: gaurko plantila
gutxienekotzat hartuta, gizarte eskakizunari aurre egiteko behar beste plaza finkatu.
2. Soldatak
• Eros-ahalmena berreskuratu
• Behin behineko lanerako ezintasun kasuetan %100 kobratzea berriro
3. Akordioak eta lan hitzarmenak
Akordioak eta lan hitzarmenak errespetatzea eta betetzea, kanpoko zein alde bakarreko esku hartzeak
erabat baztertu.
Alderdi politikoek, legebiltzarrek eta gobernuek dute aukera politika ekonomiko eta sozialak aldatzeko, zerga
politika egokia, gizartearen beharrak asetzeko. Horretarako Zerbitzu publikoetako langileen ahotsa entzun
zein gizarte orokorraren beharretara aditu behar dute, tea. Aldi berean, gehienen kontra jotzen duen marko
juridiko inposatuari muzin egin behar diote.