OSAKIDETZA

Badatoz hauteskunde sindikalak, 10 urte eta gero

2024/09/19
Osakidetzan 10 urte baino gehiago dira hauteskunde sindikalik gabe, beste behin ere, Osasun Sailaren itxikeriagatik. Bada, botoa emateko unea iritsi da.

Hauteskundeak azaroaren 28an izango dira eta zure botoa oso garrantzitsua da. Horri esker gure proiektu sindikala garatzen jarraitu ahal izango dugu eta ondorioz, Osakidetzaren egoera hobetzeko borrokan jarraitzeko aukera izango dugu.

  • Nork eman dezake botoa? Osakidetzan lanean ari den edo lanpostuaren erreserba duen pertsona oro.

  • Bozkatzeko ordutegia: 

          • Ospitaleak: 07:00etatik 23:00etara.

          • Lehen Arreta: 08:00etatik 20:00etara.

          • Erakunde Zentrala eta Larrialdiak: 8:00etatik 22:00etara.

    Non bozkatu behar dut? Bozkatzeko mahaiak egongo dira zentro eta ESI ezberdinetan.

  • Egun horretan ezin baduzu botoa ematera joan edozein arrazoi dela medio, posta bidezko botoa eska dezakezu.

  • Botoa ematera joateko baimena daukat? Bai. Hauteskunde mahaia zure lan zentroan badago, ezinbesteko denbora eman behar dizute. Beste lan zentro batean badago, baina herri berean, bi ordu eman behar dizkizute. Eta beste herri batean bada, lau ordu.

  • Informazio gehiago nahi izanez gero, jarri harremanetan zure ELAko ordezkariarekin.