ELAren ustez onartezina da Bilboko call center-aren egoera

2014/04/11
Aurreko Eusko Jaurlaritzak 30 milioi euro xahutu zituen “erantzungailu automatiko” batean, egungoak makina erabileraz kanpo utzi zuen eta call center korporatiboko langileen erdiak baino gehiago kaleratu ondoren astebururo 2.500 dei galtzen dira.

ELAren ustez onartezina da Bilboko call center-aren egoera. Deien kudeaketa irizpideak aldatu ondoren, Osakidetzak langileen gehiengoa kaleratu du edo kaleratzen ari da, horren emaitza da milaka deiren galera, erantzungailu automatikoan sartzean inolako erantzunik ez duten deiak.

Horrez gain, langileak kaleratzeko erabakia gauzatzen ari diren arren, egungo langileek ezingo dituzte aurretik agindutako betekizunak kudeatu. Adibidez, hemendik gutxira bularreko minbiziari buruzko 14.500 inkesta kudeatu beharko dituzte zentru honetatik. Nola burutu nahi du Osakidetzak eginkizun hau? Espero dezagun berriz ere sindikatuekin izandako akordioak ez urratzea eta zerbitzu hau ez pribatizatzea.

Gai honen kudeaketa baliabide publikoen kudeaketa txarraren ondorioz politikariek pairatzen duten sinesgarritasun faltaren adibide ona da. Makinen erosketan eman den diru xahutzea eta ondorengo kudeaketa desastreak onartezinak dira. 30 milioi euroko gastu baten ondorio ezin dira izan astero 2.500 dei galtzea eta aurretik burutzen ziren zerbitzuak emateko ezintasuna. Horregatik, ELAk gai honi buruzko azalpenak eskatuko ditu hurrengo Osakidetzako Mahai Sektorialean.