Elkarretaratzeak Osakidetzaren zentro guztietara hedatu dira, murrizketen aurka agertzearren

Gaur, Arabako Unibertsitate Ospitaleko (Santiago), Arabako Osasun Mentaleko Sareko, eta Gasteizko Antolakunde Nagusiko langileak elkarretaratu dira aipaturiko lantokien aurrean, kalitateko zerbitzuen alde eta Rajoyren murrizketen aurka. Langileen parte hartzea ugari-ugaria izan da, kontuan hartzen badugu ezin dela gaixoak arretarik gabe utzi. Elkarretaratze horietan eskatu zaie arduradun politikoei murrizketen kontra agertzeko.