EAEko Osasun garraioa

Osakidetzako azpikontratatutako anbulantzietan greba mugagabea hasiko dute otsailaren 19an

2024/02/09
Astelehenean, otsailaren 19an, EAEko anbulantzietako langileek -Osakidetzak azpikontratatutako zerbitzua- greba mugagabea hasiko dute. ELAk, LSB-USOk, LABek, UGTk, CCOOk eta ESK sindikatuek, greba deitu dutenek, anbulantzietako langileak Osakidetzako langileekin homologatzea eskatu dute, baita galdutako erosahalmena berreskuratzea. Izan ere, % 17ko galera dute dagoeneko, hitzarmena negoziatzen hasi zenetik, orain dela bi urte. "Hitzarmenaren negoziazio mahaia blokeatuta dago, enpresek ez daukate borondaterik eta Osasun Sailak ez du urratsik egiten sektoreko langileen baldintzak hobetzeko" diote sindikatuek.

Bide beretik, deitoratu dute, negoziazioak hasi zirenetik urtebete igaro ondoren, enpresek ez dietela erantzunik eman sindikatuen aldarrikapenei, eta negoziazio mahaiko bilerak egin direla, baina edukia sakonik gabe.

Gaur egun, enpresek ordainsari ez finkagarria eskaintzen dute: % 5 2022 eta 2023. urteetarako, % 2,5 urte bakoitzeko 5 urteko soldata igoeran, eta 8 orduko lanaldi murrizketa urtero indarraldi gisa proposatzen dituzten 5 urteetan. Hala ere, ez dute lizentziarik aipatzen, ezta familia kontziliaziorako neurririk ere edota karrera profesionalik, besteak beste, sindikatuentzat garrantzitsuak diren elementuak.

Sindikatuek gogorarazi dute Osasun Garraioaren sektorea funtsezko zerbitzua izan zela pandemian zehar. Horregatik, enpresei eta Osasun Sailari beren langileekin parekatzeko eskatu diete.