Osakidetzaren behin-behineko enpleguaren tasa %35 ingurukoa da

2016/01/19
Osakidetzaren kontratazioa prekarioa da, eta ez dirudi hori aldatzeko asmorik dagoenik. Ikusi besterik ez dago jarraian erakusten ditugun adibideak eta zenbakiak. Osakidetzaren behin-behineko enpleguaren tasa %35 ingurukoa da, eta zehazki Arabako Unibertsitate Ospitaleko kasuan %50eraino hurbildu da. Egoera hau salatzeko elkarretaratze bat egin du gaur ELAk Santiago Ospitaleko ate nagusian.

Osakidetzaren behin-behineko enpleguaren tasa %35 ingurukoa da, eta zehazki Arabako Unibertsitate Ospitaleko kasuan %50eraino hurbildu da.

Behin-behineko enpleguaren prekarietatea larriagoa da hurrengo datu hauekin alderatuz gero:

  • EAEko behin-behinekotasuna %20koa da.

  • Europako behin-behinekotasuna %14,1ekoa.

Bestalde, Osakidetzak %16tik gora ugaldu zituen lanaldi hereneko kontratuak, eta %11 murriztu lanaldi osokoak, 2 urteko epealdian, 2012ko urtarriletik 2014ko apirilera.

Gehienbat Osakidetzaren kontratazio-sistemaren oinarrian banako erlazio bat dago, zuzendaritzaren eta langile bakoitzaren artean, halako moldez ezen lan-eskaintza jasotzen duen pertsonak ez baitaki eskainitako kontratua dagokion kontratua den edo ez.

Kontratazioetan dagoen gardentasunik eza dela-eta, Osakidetzak, eta batik-bat zerbitzu-zuzendaritzek, nahierara hautatu ditzakete pertsona jakin batzuk postu jakin batzuetarako.

ELAk lanean jarraituko du prekarietatea Osakidetzatik ezabatzeko; eta ildo horretatik hemengo egoera salatzen jarraituko dugu, harik eta kontratazioa zuzena eta gardena izango den arte.