Txagorritxu Ospitaleko, Osasun Mentaleko Sareko, eta Arabako Antolakunde Nagusiko langileak elkarretaratu dira berriro murrizketen aurka

Atzo Txagorritxu Ospitaleko langileak elkarretaratu ziren, eta gaur Osasun Mentaleko Sareko eta Arabako Antolakunde Nagusiko langileak elkarretaratu dira Antolakunde Nagusiaren aurrean, Madrilgo murrizketak ez aplikatzeko eskatuz. ELAk oso ondo deritzo Osakidetzako erakundeetako azken asteotan egindako mobilizazioetan langileen parte hartzeari, eta bultzatu ere bultzatzen ditugu abuztuko ostiral guztietan goizeko 11:00etan elkarretaratzeak egiten jarraitzera. Abuztuan hiru ministro-kontseilu dago egiteko, eta horietan seguru aski murrizketa gehiago iragarriko da. Berehala eman behar dugu gure erantzuna, I-26ko greba prestatzeari begira.