Bilboko epaitegi batek arrazoia eman dio ELAri eta Elorrioko Metal Smelting zigortu du grebarako eskubidea urratzeagatik

2020/04/27
Enpresak (Metal Group taldekoa) hiru lantoki ditu Durangaldean, eta urtarrilean lau langile kaleratu zituen Elorrion arrazoi ekonomikoak argudiatuta. Ondoren, ABLE baten bidez kontratatutako pertsonek ordezkatu zituzten kaleratuak izan zirenak. Langileek kaleratzeen aurrean protesta egiteko greba egiteko asmoa zutela iragarri zutenean, enpresak bertan behera utzi zituen negoziazio-bilerak. Orain, ELAren aldeko epaiak Metal Smelting zigortu du, askatasun sindikalerako eta grebarako eskubidea urratzeagatik. Epai horren bidez, grebalariek jaso gabeko ordainsariak eskatu ahal izango dizkiote enpresari, grebarako eskubidea urratu zitzaielako.

Metal Smeltingek lau langile kaleratu zituen urtarrilean. Langileek batzarrean erabaki zuten 4 eguneko greba hasiko zutela enpresak kaleratutako 4 pertsonak berriz hartuko ez balitu. Hala ere, Metal Smeltingek "jarrera autoritarioagoa" hartu zuen, eta negoziazio-bilerak bertan behera utzi zituen.

Gauzak horrela, ELAko atal sindikalak, Elorrioko enpresa-batzordea osatzen duten 5 ordezkarietatik 3 ordezkarirekin, PRECOren esku-hartzea eskatzea erabaki zuen, elkarrizketa bidezko konponbidea lortzeko. Enpresak, erakundearen egoitzan legea betetzen ez zuela onartu arren, ez du bere jarrera zuzendu. Metal Smeltingek CCOOko ordezkarien konplizitatea izan du, eta enpresak eurekin dituen betebehar guztiak bete dituela adierazi dute.

Orain, Bilboko epaitegi batek arrazoia eman dio ELAri eta enpresa zigortu du grebarako eskubidea urratzeagatik.

Epai horrek aurrekaria ezarriko du, izan ere, grebalariek jaso gabeko ordainsariak eskatu ahal izango dizkiote enpresari, grebarako eskubidea urratu baitzioten.