Bizkaiko metaleko grebak babes handia izaten jarraitzen du

Bizkaiko Metalgintzan aste honetarako deitutako bigarren greba egunak jarraipen handia izan du, % 85 ingurukoa, hain zuzen ere. Bestalde, milaka lagun bildu da Zornotza eta Erandion egindako manifestazioetan. Ostirala bitartean egingo diren lanuzteek langileon indarra erakutsi eta lan hitzarmen berri dat lortzeko balio izango dutela azpimarratu du ELAk. Hiru helburu ditu gatazka honek: sortzen dugun aberastasunaren banaketa justua, prekaritatearen aurkako borroka eta lan-baldintza duinak lortzea.