CCOOk eta patronalak akordioa sinatu dute gutxiengoan eta egungo diskriminazioak betikotuko dituzte

CCOOk gutxiengoan sinatu du Gipuzkoako gasolindegietarako hitzarmen bat AEGA patronalarekin. ELAk salatu du CCOOk, % 29,73ko ordezkaritzarekin, uko egin diola aurrerapen eta hobekuntzetarako hitzarmen bat adosteko aukerari; horren ordez, sektorean lehendik zeuden desberdintasunei eutsiko dien hitzarmena sinatu du AEGA patronalarekin.

Hala, patronalarekin egindako akordioak honako diskriminazio hauek mantenduko ditu: igandeetan lan egitea eta plus espezifikorik ez kobratzea; sektorean lan egiten duten pertsona guztientzako soldata duinik ez bermatzea; "ikasten" kategoria duten pertsonek 2031ra arte itxaron beharko dute urteko 21.500 euroko soldata gordina izateko; eta ez dute lana eta familia bateragarri egiteko aukera hobetu beharko.

ELAk azpimarratu du diskriminazioak salatzen eta ikusarazten jarraituko duela.