ELAk Adegiri esan dio gai estrategiko batzuei heldu behar zaiela Gipuzkoako metalean akordio bat lortzeko
Gipuzkoako hitzarmen probintzialaren mahaiaren hirugarren bileran ELAk argi adierazi du beharrezkoa dela gai hauek jorratzea, besteak beste: lan barruko eta kanpoko bizitza bateragarri egiteko lizentzietan aurrera egitea; 2020. eta 2021. urteetarako soldata-igoerak; kolektibo prekarioenen subrogazioa; Gipuzkoako metalaren lan-erreforma ezabatzea; eta langileek jasaten duten genero-diskriminazioa desagerraraztea. Adegi prest agertu da hurrengo bileran gai horiei beste eskaintza batekin erantzuteko. ELA bertan izango da, 10 urtez hitzarmenik gabe egon ondoren negoziazioan aurrera egitea premiazkoa dela uste duelako. Hala ere, beste sindikatu batzuen arazoak direla eta, hurrengo bilera irailaren 4ra arte atzeratzea deitoratu du.
Bileran, ELAk honako gai estrategiko hauek jorratzeko beharra azpimarratu du:
- • 2020. eta 2021. urteetarako soldata-igoerak.
- • Lizentzien aurrerapenak. Enpresa barruko eta kanpoko bizitza bateragarri egiteko, zaintzak zentroan jarriz.
- • Subrogazioa kolektibo prekarioenentzat: azpikontratetan lan egiten dutenentzat. ELAk estrategikotzat jo du lan-ezegonkortasuna gehien pairatzen dutenei egonkortasuna ematea.
- • Kontratazioa enpresa nagusiak zuzenean egitea. ABLEek erabilera mugatua izan behar dute denboran.
- • Gipuzkoako metalaren lan-erreforma (aurreraeragin mugagabea) ezabatzea, eta ezarritako ez-aplikazioa eta funtsezko aldaketak ezabatzea.
- • Genero-berdintasuna eta, beraz, emakume lankideek jasaten duten diskriminazioa ezabatzea. Enpresetan berdintasun-planak negoziatzen dituztenei tresnak eman behar zaizkie.
Patronalak berretsi egin du hitzarmeneko taulak eguneratzeko aurreko planteamendua, 2012-19tik aurrerako KPIak kontuan hartuta, eta %8,8ko igoera planteatu du.
Baldintzak ez aplikatzearen aurkako klausula akordio bidez eta inolako inposaketarik gabe egiteko prest agertu da. Hitzarmenak Estatukoaren aurrean duen lehentasuna onartzen du, eta hitzarmenari aurreraeragin mugagabea emateko prest dagoela adierazten du. Aldiz, ELAk deitoratu du oso jarrera negatiboa duela lanaldi-murrizketari eta aldi baterako ezintasunagatiko osagarriei heltzeko.
Sindikatuaren ustez, ezinbestekoa da eskubideak dituen eta prekarietaterik gabeko metal baterantz aurrera egitea. Adegi datorren asteko bilera batean gai horiei beste eskaintza batekin erantzuteko prest agertu da. Hala ere, beste sindikatu batzuen arazoak direla eta, hurrengo bilera irailaren 4ra arte atzeratzea deitoratu du.