IBERDROLA

ELAk greba deitu du maiatzaren 29rako Hego Euskal Herrian

2026/04/30
ELAk greba deitu du maiatzaren 29rako Hego Euskal Herrian
Mozkin handiak dituen arren, Iberdrolak uko egin nahi dio langileen erosahalmena handitzeari. Arrazoi horregatik, CIGek ere greba egingo du Galizian. ELAk grebarekin bat egitea eskatu die UGTri eta CCOOri -estatu mailan negoziazio mahaian gehiengo osoa duten sindikatuak-, 2025eko ekainaren 6ko greban egin zuten bezala.

Urtebete baino gehiago igaro da hitzarmena negoziatzen hasi zenetik, eta Iberdrolako zuzendaritzak ukatu egin die langileei erosahalmena berreskuratzea eta KPIaren gutxieneko igoera bermatuei eustea. Horiek dira langileek aldarrikapen nagusiak orain bost urte. Horregatik, sindikatuak grebara deitu du maiatzaren 29an Bizkaiko, Gipuzkoako, Arabako eta Nafarroako enpresa guztietan. CIG sindikatuak gauza bera egingo du Galizian. ELAk grebarekin bat egitera animatu ditu UGT eta CCOO.

Enpresa mozkinak handitu, akziodunari ordainsari handiagoa eman eta datozen 4 urteetarako Plan Estrategikoa aurkeztu arren (mozkinak % 47 handitzea eta akziodunari ordainsaria % 65), Iberdrolak ukatu egin die langileei hitzarmen justu bat sinatzeko eska daitekeen gutxieneko akordioa.

"Iberdrolak, burtsako kapitalizazioaren maximoetan, ez ditu kontuan hartzen bere langileen baldintzak", deitoratu du.
Greba erakundearen akziodunen batzarrarekin egun berean izango da.