ELAk inplikazio handiagoa eskatu dio Eusko Jaurlaritzari Siemens Gamesaren enpleguaren defentsan
Siemens Energyk urtearen erdialdean Siemens-Gamesaren %100 bereganatzeko kaleratutako EEParen ondoren, multinazionalak 2.900 kaleratze iragarri zituen taldean eta 475 espainiar estatuan. Neurri hori gauzatzeko, `Enplegu sistema´ deiturikoa aktibatu zuen. Mekanismo hori enpresak deitu behar du, hitzarmen kolektiboaren arabera, langileen artean edozein egokitzapen egin baino bi hilabete lehenago. Enplegu mahaiaren epea abenduaren 12an amaituko da. Egun horretatik aurrera, enpresak iragarritako kaleratzeak egin ahal izango ditu.
ELAk salatu duenez, duela bost urte Siemens akziodun bilakatu zenetik, lan kontratuak amaitzeko prozesuak jarri ditu abian eta lan baldintzak aldatu ditu etengabe. Gamesa Electric-en dibisioaren salmentaren iragarpen berriak Euskal Herriko lantegietako etorkizuneko enpleguari buruzko ziurgabetasuna areagotu besterik ez du egiten.
Horregatik guztiagatik, ELAk Eusko Jaurlaritzari eskatu dio Siemens Gamesan inplikatzea, taldeko langile guztien enpleguan eta lan baldintzetan egonkortasuna bermatzeko, eta plan industrial bat egin dezala multinazionalaren garapena ahalbidetzeko Euskal Herriarentzat estrategikoa den sektore batean, energia berriztagarrien sektorean, alegia.