ELAk lan-baldintza onak sinatzen jarraitzen du Bizkaiko Metaleko enpresa-hitzarmen kolektiboetan
FVEMren blokeoaren aurrean ELAk enpresa-hitzarmenak proposatzen ditu, eduki duinak eta lan-erreformaren aurreko blindajeak lortzeko; baina horretarako, gure antolamendu-gaitasuna sendotu behar dugu sektoreko enpresetan. 2018. urtean helburua lortu dugu hainbat enpresatan (txiki, ertain eta handietan).
2019an ere ildo beretik jarraituko dugu; duela gutxi hiru enpresa-hitzarmen sinatu ditugu:
- IFO INGENIERIA Y FIBRAS OPTICAS, SL (Loiu, 16 langile).
Lehenengo enpresa-hitzarmen kolektiboa.
Indarraldia: bi urte (2019-2020).
KPIren pareko igoerak.
Lanaldia: zortzi ordu gutxiago.
Lan-erreformaren aurkako klausulak (aurrera-eragin mugagabea, hitzarmena salbuestearen kontrako klausula, aldaketa nabarmenak egitearen aurkako artikulua…).
- SERVICIOS SIDERURGICOS CENTRALIZADOS, SA (Sestao, 15 langile).
Indarraldia: bi urte (2018-2019).
Soldata-igoerak: 2018, 60 euro lineal hilean (%4 batez bestez); 2019, 50 euro lineal hilean (%3,75 batez bestez).
Lanaldia: 16 ordu gutxiago.
Hobekuntza plusetan.
Lan-erreformaren aurkako klausulak lehentik bazituzten.
- ETRA NORTE, SA (Mungia, 50 langile).
Indarraldia: bi urte (2018-2019).
Soldata-igoerak: KPI + 0,5 urte bakoitzean.
Aurrera-eragin mugagabea, eta aldaketa nabarmenen aurkako artikulua (salbuestearen aurkako klausula lehenagotik bazuten).
Gaixotasun arrunteko bajak %100ean.
Hobekuntzak baimenetan eta famili bateragarritasunean.
ABLE/ETT bidezko kontratazioa mugatzen duen klausula.
Azpimarratu beharrekoa da hiru enpresa horietatik bitan lanaldi-murrizketa sinatu dela, eta ondorioz, langileen bizi-kalitatea hobetuko dela eta langabeak kontratatzeko aukera gehiago egongo dela. Eta hirugarren enpresan akordio bat egin dela, prekarietatea ezabatzeko, ABLE/ETT bidezko kontratazioa mugatuz.
Akordio horiek lortu ahal izateko beharrezkoa izan da langileen antolamendua eta indar-korrelazio egokia izatea. ELAk bere konpromisoa berresten du, Bizkaiko metaleko enpresatan borroka-ahalmena antolatzeko eta bultzatzeko.