ELAk negoziazioan aurrerapausorik eza salatu eta sektorea aktibatzeko deia egin du

ELAren iritziz, une giltzarria da hitzarmenaren etorkizunerako, eta nabarmendu du sektorearen batasuna eta langileen inplikazioa funtsezkoak izango direla aurrerapausoak lortzeko. Sindikatuak berretsi du akordio baten aldeko prestutasuna duela eta lan baldintzak hobetzeko proposamenak aurkezten jarraitzen duela.

Blokeo egoera honen aurrean, ELAk sindikatuen arteko bilera deitu du maiatzaren 12rako. Topaketaren helburua egoeraren azterketa partekatzea, sektorea aktibatzeko beharra adostea eta balizko ekintza bateratuak aztertzea izango da.

ELAk gogorarazi du Bizkaiko metalgintzan aurreko esperientziek erakutsi dutela aurrerapenak ez direla soilik negoziazio mahaietan lortzen, baizik eta sektorearen antolaketa eta mobilizazio gaitasunaren bidez ere bai.

Hurrengo negoziazio bilera maiatzaren 26rako aurreikusita dago.