Erabateko jarraipena izan du Abanto Zierbenako Tekniako grebak

Abra Industrial Enpresa Parkean (Abanto Zierbena, Bizkaia) kokatutako Teknia XXI enpresako produkzioko langile guztiek bat egin dute ELAk eta LABek deitutako bigarren greba egunarekin, enpresa hitzarmenaren negoziazioa desblokeatzeko. Sindikatuek zortzi greba deitu dituzte guztira, eta lantegian lan egiten duten 114 pertsonei eragiten dien hitzarmena desblokeatzea eskatu dute. Tekniak automobilgintzako osagaiak egiten ditu.