Erregulazio espedientea bertan behera utzi du Productos Tubulareseko zuzendaritzak
ELAren iritziz Productos Tubularesen zuzendaritzak hartutako erabakia martxoaren 8an hasitako greba mugagabearen ondorioa da. Era honetan, erregulazio espedientea kendu ondoren eman daitezkeen eszenatoki berrien azterketa egingo duela datozen orduotan aurreratu du.
Apirilaren 4an aurkeztu zuen EEE enplegua erregulatzeko espedientea Productos Tubularesen jabeak, Tubos Reunidos Arabako enpresak. Trapagarango lantegian 157 langile botatzea, geratuko liratekeen 350 langileei soldatak % 25 txikitzea, eta lanaldia 24 ordu luzatzea jasotzen zuen espediente honek. Martxoaren 8tik greba mugagabean daude bertako langileak.