CAF (IRUN-BEASAIN)
Lanuzte berriak hitzarmenaren negoziaketan aurrera pausurik ez dagoela salatzeko
![](https://www.ela.eus/eu/industria-eta-eraikuntza/albisteak/lanuzte-berriak-hitzarmenaren-negoziaketan-aurrera-pausurik-ez-dagoela-salatzeko/@@images/15910877-e550-4914-800b-fd047b3d31a1.jpeg)
Langileek urriaren 26an bi orduko lanuzteak egin zituzten. Enpresaren aldetik aurrera pausurik ez dagoela ikusirik langileek hiru orduko lanuztea egin dute Beasaingo eta Irungo lantokietan.
Hauek dira langileen eskaera nagusiak: KPItik gorako soldata igoerak; gutxieneko plantilla bermatzea; planten beharrei erantzungo dien kontratazio mugagabea; lizentziadunen lanaldia murriztea (kolektibo horrek gainerakoek baino 38 ordu gehiago lan egiten du urtean); gauez lan egiten duten langileen lizentzietan hobekuntzak.
Guztira 27 orduko lanuzteak daude deituta 7 egunetan. Enpresak jarreraz aldatzen ez badu azaroaren 9an lanuzte berria egongo da.