Outservico Servicios de Externalización SL enpresaren enplegu-erregulazioko espedientea borondatezkoa izango da Bizkaiko langileentzat

Outservico Servicios de Externalización SL enpresa Elecnor taldearen azpikontrata bat da, elektrizitate-ekipoen mantentze-, konponketa- eta kontserbazio-lanak egiten dituena, eta Iberdrola du azken bezero. Bartzelonan du egoitza soziala, eta 206 langileko plantilla du estatuan; horietatik 25 Bizkaiko lantokikoak dira. Enpresak, hartzekodunen konkurtso batean murgilduta, 83 pertsona kaleratzea aurreikusten zuen EEE bat aurkeztu zuen maiatzaren 7an, horietatik 11 Bizkaian.

Negoziazioen garapenaren aurrean eta beren lanpostuak defendatzeko, Bizkaiko langileek greba mugagabea deitzea erabaki zuten, enplegu-erregulazioko espedienteak borondatez hala erabakitzen zuten pertsonei soilik eragin ziezaien. Greba-egun bakarra behar izan zen enpresak aldarrikapen hori onar zezan eta EREa borondatez aplika zedin lurralde horretan.

ELAk zoriondu egin ditu langile guztiak, euren borrokarekin erakutsi baitute posible dela Estatuko esparrura eramandako negoziazioei aurre egitea, langileen erantzuteko gaitasuna baldintzatzeko eta mugatzeko.

Euskal Herrian, mobilizazio eta borroka sindikalarekin, EREen ondorioak baldintzatu eta mugatu daitezke.