Patronalak Bizkaiko Metalgintzako Lan Hitzarmenean egin duen eskaintza erregresiboa dela salatzen du ELAk
Bizkaiko Metalgintzako Enpresen Federazioak (FVEM) bere eskaintza zehaztu du:
* 2018rako %1,6ko soldata igoera proposatzen du, eta Estatuko KPI 2019rako. 2012tik 2017ra ez dago inongo eguneratzerik soldatetan.
* Bi urteko ultraaktibitatea.
* Malgutasun kasuetan, enpresarioei botere gehiago.
* Laneko bajetan mugapenak.
ELAren iritziz eskaintza oso kaskarra da, honako arrazoiengatik:
-
Soldatetan eskaintza oso urrun dago gure helburuetatik, eta gainera soldatak ez dira eguneratzen 2012tik 2017ra.
-
Ez da jasotzen Lan Erreformak ezarri zuen alde bakarreko inaplikaziotik babesteko klausularik.
-
Azpisektore batzutan enplegu egonkorra bermatuko lukeen subrogazioa baztertzen du.
-
Lanaldia murrizteko aukera oro ukatzen du.
-
Ez dago gure aldarrikapenetan eskatzen genuen hobekuntza sozial batik ere.
Gainera, patronalaren eskaintza erregresiboa da:
* Ultraaktibitatea bi urtera mugatzen du. Gogoratu beharra dago aurreko hitzarmenean ultraaktibitatea mugagabea zela.
* Malgutasun eta bajen kasutan elementu atzerakoiak planteatu dira.
Ondorioz, eskaintza ez da onargarria, noiz eta sektorean fakturazioa eta etekinak puztuta daudenean; hala adierazi zuen FVEMen lehendakariak eman zuen prentsaurrekoan.
Azkenik, ELAtik berriro ere gogoratu dugu Hitzarmen hau gutxiengoan ez sinatzeko beharra.