KIMIKAK

Sindikatuek patronalak deitu dituzte sektoreko negoziazioari ekiteko

2023/09/13
Kimika sektoreko negoziazio mahaiak eratzeko bideari ekiteko asmoz, ELAk, CCOOk, LABek eta UGTk bilera batera deitu dituzte Confebask, Cebek, SEA, Adegi eta Bizkaiko Kimika Enpresen Elkartea, irailaren 26an, Bilboko LHK-n. Sektorean lan egiten duten 17.000 pertsonei kimikaren estatuko hitzarmena aplikatzen zaie, baldintza prekarioekin. ELAren ustez, estatalizazioarekin amaitzeko eta Euskal Herrian baldintza hobeak negoziatzeko garaia da. Era berean, Nafarroan hitzarmen probintzial bat negoziatzen hasteko sindikatuen adostasun bera ez izatea deitoratu du, eta ez du ulertzen Foru Aldundiko 6.600 langileek ezin ekitea euren lan baldintzak duintzeko bideari. Bestetik, ELA kexu da Nafarroan sindikatuak ez direlako ados jarri Oraingoz, ez dago aukerarik hitzarmen probintziala negoziatzen hasteko. “Ulertezina da Nafarroan kimikan lan egiten duten 6.600 langileek ez izatea aukerareik euren baldintzak duintzeko bideari ekiteko”, dio sindikatuak.

Joan den ekainean ELAk iragarri zuen Hego Euskal Herrian kimika sektoreko negoziazioa aktibatzeko asmoa zuela. Azken hiletan sindikatuen arteko hainbat bilera izan da, eta horietan ELAk, CCOOk, LABek eta UGTk erabaki dute EAEko patronalei eskatzea Araban, Bizkaian eta Gipuzkoan hitzarmen probintzialak negozia daitezela.

Sektoreko lan baldintzak arautzen ditu Madrilen negoziatzen den estatu mailako hitzarmen batek, eta “oso prekarioa” da: kimikan nagusi dira soldata kaskarrak, lanaldi luzeak eta prekaritatea orokortzen duten beste hainbat baldintza dira nagusi, EAEn arlo horretan lan egiten duten 17.000tik gora langileen kalterako.

Gauzak horrela, ELAk uste du badela garaia lan baldintzak Euskal Herriko errealitate soziolaboralaren baitan negoziatzeko. “Lan hitzarmen duinak behar dira, enpresa hitzarmen egokiekin hobetuta”, dio. Halaber, estatuko patronalei eta negoziazio mahaiari eskatu die ez dezatela eragotzi euskal eremuko negoziazioa.