Mugimendu sozial eta ekologistek espainiar estatua salatu dute Europako Batzordearen aurrean, 2020ko Europako birziklatze helburua ez betetzeagatik

Mugimendu sozial eta ekologisten aliantza zabal batek salatu du Europako Batzordearen aurrean estatu espainiarrean hondakinen kudeaketa falta, zehazki, 2020rako Europar Batasunaren berrerabilpen eta birziklatze helburua ez betetzeagatik. Datu ofizialek erakusten dutenez, 2020an udal hondakinen %40,5 birziklatu zen estatuan. Mugimendu horien arabera, salaketaren helburua honako hau da: ez-betetze egoera, kalitate eta kopuru aldetik oso txikiak diren birziklatze tasak, prebentzio eta berrerabilpen politikarik ez izatea, zuzentarauen transposizioak berandu egitea eta betetzen ez diren legeak. Hondakinen kudeaketa eredu horrek ez duela funtzionatzen adierazi dute, eta ELAk jarrera horrekin bat egiten du.

Datuak argiak dira: 2020an, udal hondakinen %40,5 bakarrik birziklatu zen estatuan. Eta aurreikuspenen arabera, ezer aldatzen ez bada, helburua ez betetzen jarraituko da 2025ean (% 55) eta 2030ean (% 60). 2021ean, datuak okerrera egin du, eta birziklatze tasa %36,7ra jaitsi da, Eurostaten arabera.

Gainera, orain hondakin bioegonkortua birziklatutzat hartzen da, baina frakzio hori kontuan hartu gabe, birziklatze tasa %24,3koa izango litzateke. Errealitatea dirudiena baino larriagoa da. 11 milioi tona hondakin isurtzen dira urtean estatuan, hau da, 800 futbol zelai edo kilo bat zabor pertsonako eta eguneko. Horrek zabortegi kutsatzaileetara, ingurune natural kutsatuetara eta pertsonen osasuna arriskuan jartzera garamatza.

Egoera horren aurrean, tratatu gabeko hondakinak isurtzeari amaiera eman behar zaio, materia organikoaren bilketa bereizia behin betiko ezarri behar da, ekoizlearen erantzukizun hedatuko sistemarik ez duten fluxuak arautu behar dira, eta berrerabiltzeko neurriak zabaldu, monitorizatu eta bete behar dira, besteak beste.