Ingurumena

EAJk Kongresuan abstenitu egin da argudio faltsuak erabiliz, eta ‘zerutik etorritako etekinak’ diru publikoarekin ordaintzea defendatu egin du Eusko Jaurlaritzak. ELAk salatzen du EAJk enpresa elektrikoen defendatzaile sutsu eta herritarron interesen aurka jokatzen ari da, Madrileko Kongresuan ikusi den bezala. Azken hilabeteetan argindarraren prezioak izan dituen igoeren aurrean herritarrok mobilizazioaren bidez egin dugun presioari esker, enpresa elektriko handien irabaziak aldi baterako mugatzea onartu du Estatuko Gobernuak. Nahikoa ez den neurria, baina hartu beharrekoa.

ELAk bat egin du Bilboko Auzo Elkarteen Federazioak eta Ekologistak Martxan elkarteak deitutako manifestazioarekin, argiaren eta beste energia-iturri batzuen (butanoa edo gasa) igoera geldiezina eta ekonomikoki ahulenak diren pertsonengan dituen ondorio izugarriak salatzeko. Deitutako martxa urriaren 7an, ostegunean, izango da, 19:00etan, eta Bilboko Iberdrola dorretik abiatuko da. Parte-hartzaileek prezioen igoera amaitzeko eskatu dute, eta Estatuko eta Eusko Jaurlaritzako Gobernuari oligopolio elektrikoaren aurkako neurri eraginkorrak eta errealak har ditzala eskatu diote.

Glasgowko akordioaren sinatzaileok herrialde ezberdinetako emisioen inbentarioak egin ditugu datu iturri ofizialak erabilita, eragile independiente eta arduratuak ari gara lan honetan, instituzioek beste aldera begira jarraitzen duten bitartean. Emaitzek erakusten dute gaur egungo egoerari buelta emateko lan asko geratzen zaigula.

IPCCren (Klima Aldaketari buruzko Nazioarteko Panela) azken txostenaren arabera, klima aldaketa orokorra eta azkarra da, eta areagotzen ari da. Aldaketak ikusten ari dira munduko eskualde guztietan eta klima sistema osoan.

Azken asteetan argindarraren prezioak errekorrak markatu ditu behin eta berriro. Igoera honek eragin sozial handia du eta bereziki sarrera urrienak dituztenei egiten die kalte. Inoiz baino gehiago ordaintzen ari gara, eta ihazko prezioaren bikoitza gainditu du jada. Neurrigabeko prezioak energia enpresa handiak ezartzen dituzte, azken 25 urteetan estatuko gobernu ezberdinek eman dieten botereari esker noski.

Donostia Bizirik osatzen duten eragileek, erraustegia behin betirako geldiarazteko aldarrikatuz honako adierazpen hau osatu dute, eta giza kate bat egin zuen Kontxako estropadetan. ELAk adierazpenarekin eta mobilizazioarekin bat egin du.

Zaldibarko kasuan fiskala eta akusazioak adostasunera iritsi dira eta horren aurrean, Zaldibar Argitu plataformak eta Euskal Herriko Eskubide Sozialen Kartak, lehenik eta behin familiari adierazi nahi diogu adostasun batera iristeko familiaren erabakia guztiz errespetatzen eta ulertzen dugula. Urte eta erdi oso gogorrak izan dira beraientzat eta oraindik ere sufritzen jarraitzen dute. Berriro ere elkartasuna adierazi nahi diegu eta argi utzi Zaldibarren gertatutakoa ez ahazteko eta erantzukizunak argitzeko hartutako konpromisoarekin jarraituko dugula.

Zaldibar Argituk eta Euskal Herriko Eskubide Sozialen Kartak, Zaldibarko hondamendiaren kasuan, langileen eskubideen aurkako deliturik egon den argituko duen prozedimentutik kanpo utzi gaituztela salatu dute

Europar Kontseiluak eta Parlamentuak 2050erako emisioen neutralitatea ziurtatzeko neurriak zorroztu behar izan dituzte, orain arte adostuta zituztenak ez baitzuten bermatzen 2050erako Europar Batasuneko emisioak neutroak izango zirenik. Aurreratu dituzten neurriak helburu hauek betearazten lagunduko dute, baina 2035erako ezartzea beranduegi da.

Nafarroako Klima Aldaketa Legearen aurreproiektua aurkeztu dute, eta Europako Funtsen itzalean, hauek ezartzen duten norabide bera jarraitzen du: azaleko aldaketak benetan aldatu behar diren arloetan eta diru publikoa enpresa pribatuen proiektu handiak finantzatzeko.

2020rako Plangintzaren ondorioz lortutako aurrerapena nahiko urria izan da, eta beraz, 2030erako helburuak askoz zorrotzagoak izan beharko dira. ELAk aldarrikatzen dituen helburuak, plan honek ezartzen dituenak baino zorrotzagoak dira, baina egingarriak ekonomia zirkularra bultzatu nahi duen herrialde batean.

Donostiako udalak, 6 hektarea zonalde natural okupatuko dituen olatu artifizialen instalazio bat egin nahi du, enpresa pribatu batek bultzatuta. Turismoa bultzatzeko ahaleginek zentzugabekeria ugari egitera bultzatzen dituzte gure instituzioak. Donostiako Antondegi inguruan egin nahi denak ere ez du inongo zentzurik itsasotik 4 kilometrotara, baina are gutxiago eragingo dituen ondorio kaltegarriak ezagututa.

Zazpi eragile sozial eta sindikalek, benetako trantsizio ekologikoa gauzatuz sor litezkeen enpleguen kopurua eta neurri espezifikoak aurkeztu ditugu. Ecologistas en Acción elkartea, ELA, ESK, IAC, LAB eta MATS sindikatuak eta Antikapitalistas alderdia izan gara txostenaren eragileak.

Ekainaren 22ean arratsaldeko 7etan, Bilboko La Bolsa gizarte etxean, ELA, ESK, IAC, LAB eta MATS sindikatuek, estatuko Ecologistas en Acción elkarteak eta Antikapitalistas alderdiak, txosten bateratu bat aurkeztuko dugu mahai inguru batean. Egungo krisi ekosozialaren esparruan enpleguak bizi duen egoera aztertuko dugu. Zazpi eragileek behar den benetako trantsizio ekologikoa gauzatuz sor daitezkeen enplegu kopurua zehaztu eta horretarako behar diren neurri zehatzak proposauko ditugu. Enplegua mantentzea ez baita erronka ekologikoaren aurka jarri behar.

Argindarraren prezioaren arazoa ez da ordukako tarifarekin konpontzen. Aldaketa honek herritarrok nahasteko bakarrik balio du, eta kasu askotan, hilabete bukaeran ordainduko duguna garestitzeko. Eta ondorioz, enpresa elektriko handiek gehiago irabazteko, noski.

Europako funtsekin bonbardatzen gaituzte, gure arazo guztiak konponduko balituzte bezala. Trantsizio ekologikorako eta digitalizaziorako duen erabilgarritasuna saldu nahi digute, baina ez dute hainbeste hitz egiten funts horiek jasotzeak dakarren letra txikiaz.

Asko hitz egiten ari da azken aldian hidrogenoaz baina ez dago oraindik ezagutza handirik teknologia honek suposatzen duenaren inguruan: ze behar material dituen, ze behar energetiko, zertarako erabili daitekeen, ingurumen kosteak,... Baina saltzen ari direna ez dator bat errealitatearekin.

Mugimendu ekologistaren aldarriak kalean entzunarazteko urteroko galdu ezinezko zita dugu ekainaren 5a. "Zuriketa berdeak hiltzen gaitu" lemapean mobilizatu da Larreko Mahaia Gipuzkoan, bertako eragile sozial, ekologista eta sindikatuek bultzatuta. Larrialdi ekologikoaren gaineko kontzientzia gero eta hedatuago dago baina kontzientzia horri etekina atera eta jarduera ekozidak margo berdez estaltzen saiatzen direnak ere badira.

Euskal Herriko Eskubide Sozialen Kartak eta Zaldibar Argitu herri ekimenak manifestazioa deitu dute maiatzaren 22rako, larunbata, Zallan (18:00), erantzukizun politikoak eskatzeko eta azken ondorioetaraino iristeko eskatzeko. Bilaketa lanak bukatutzat eman dira, baina hau ez da hemen amaitzen. Ezinbestekoa da egia ezagutzeko, justizia egiteko eta berriro gertatuko ez dela bermatzeko.

Gertaera larri hauen aurrean Eusko Jaurlaritzari eta Verter Recycling enpresari, berriro ere, beraien erantzukizuna onartu eta egoera honen aurrean beharrezkoak diren eta gizarteari zor zaizkion erabakiak hartzeko exijitzen die ELAk.

Diputatuen Kongresuak Klima Aldaketaren eta Trantsizio Energetikoaren Legea onartu berri du. Senatuak onartuko duelakoan, aldaketa klimatikoaren aurkako borrokan nazioarteko konpromisoak betetzea da exekutiboaren helburua. Baina oso urrun dago ekonomiak, gizarteak eta ingurumenak une historiko honetan behar duten trantsizio ekologikoa lortzetik.

Joe Biden Ameriketako Estatu Batuetako presidenteak munduko 40 buruzagi deitu zituen apirilaren 22an, Lurraren egunean, klimari buruzko konferentzia bat egiteko. Baina bilera horretan gertatutakoak agerian uzten du bertaratutakoen konpromiso eta anbizio falta; izan ere, etorkizuneko emisioen murrizketa eskasak iragarri dituzte, eta hauek betetzeko neurririk ere ez dituzte hartzen.

Talde ekologistek azken asteotan ezagutzera eman duten egoera kezkagarriaren aurrean, ELAk berretsi egiten du nekazaritza agroekologikoaren eredua, orain arte defendatu duguna eta makroetxalde mota honen aurkakoa dena.

José Ignacio Asensio Ingurumen Diputatuak 2020ko hondakinen datuak argitara eman berri ditu eta nahiz eta datuak ez duten ia hobekuntzarik suposatzen aurreko urteetako datuekin alderatuta, datuak oso onak direla adierazi du.

Nafarroan eta EAEn garatu nahi diren parke eoliko handien proiektuen aurrean, ELA ados dago proiektu horietarako moratoria eskatzearekin. Birdimentsionatu egin behar dira, jendearen beharrei irtenbidea emateko, eta ez energia konpainia handien irabazi goseari erantzuteko.

ELAk arabar eta euskal gizartea zoriondu nahi ditu gas esplorazioen aurka egin duten borrokagatik. Azken hamarkadan hainbat eragile sozial eta sindikalek, ELAk barne, eginiko dozenaka mobilizazio eta ekimenei esker trantsizio energetikoaren garaian inongo zentzurik ez duen jarduera behin betiko baztertzea ahalbidetzeagatik.

Azken asteetan boladan dabil trantsizio energetikoa burutzeko ezinbestekoa izango dela hidrogenoa eta Hego Euskal Herriko instituzioak ere ideia hori auspotzen ari dira. Baina ba al dakigu benetan zer suposatzen duen hidrogenoak? Ez da posible izango petrolioa hidrogenoz ordezkatu eta denak orain arte bezala jarraitzea.

Zuzendaritzaren Aurrerapenerako Elkarteak antolatutako topaketa batean, Emilio Titos Gasteizko Mercedes lantegiko zuzendariak parte hartu zuen esanez, besteak beste, auto elektrikoak fabrikatu egiten direla baina ez direla saltzen. Lehen azterketa batean, baieztapen hori arazo bat izango litzateke enpresarentzat berarentzat, baina ez da horrela.

Europako Parlamentuak 2019ko azaroan aitortu zuen larrialdi klimatikoa. Benetako adierazpena baino, propaganda izan zen gehiago, gerora onartutako politikek zerikusi gutxi baitute ekonomiaren benetako trantsizio ekologikoarekin. Urte bereko abenduan, Europako Batzordeak Europar Batasuneko Itun Berdea aurkeztu zuen, Green New Deal Europarra izenez ezagunagoa. Europa "klimatikoki neutroa" den lehen kontinentea bihurtu nahi du 2050erako.