Nafarroako Elikadura Burujabetzaren aldeko mobilizazioan parte hartuko du ELAk apirilaren 27an

Gizarte osoari dei egiten diogu Elikadura Burujabetza aldarrikatzeko nekazaritza eredu industrial honen aurrean. Une honetan inoiz baino garrantzitsuagoa da bat egitea, Nafarroan aspalditik, hainbat lekutatik eta sektoreetatik lantzen ari garen aldarrikapenak eta proposamenak ezagutarazteko: elikagaien subiranotasuna, agroekologia edo tokiko nekazaritza-elikagaien sistema sortzea sustatzea.

Mobilizazio honetan funtsezkoa da lehen sektorea, eskala txikiko nekazaritza, agroekologikoa, baina baita gainerako gizartea ere, bizitzarako beharrezkoak diren baliabide naturalak eta gure osasuna suntsitzen dituen nekazaritza sistema horrekin amaitzea eskatzen duena. Hori dela eta, manifestua sinatu duten nekazari-elkarteak dira deialdia egin dutenak, eta babesleak, hainbat gizarte-sektore ordezkatzen dituzten erakundeak: kontsumo arduratsukoak, lurraldearen defentsakoak, mugimendu feministakoak, sindikatuetakoak, etab.

Azken hilabeteetako zarata mediatikoaren aurrean inoiz baino garrantzitsuagoa da gure alternatiba eta aldarrikapenak ezagutaraztea:
- Elikadura Burujabetzaren alde.
- Trantsizio agroekologiko errealaren alde.
- Nekazariak eta diru-sarrera duinak dituen nekazaritza baten alde.
- Landa-mundu bizi baten alde, lurraren alde.
- Bizitza erdigunean jartzen duten tokiko nekazaritza-elikagaien sistema.
- Ez agroindustriari, Ez pestizidei, Ez makroetxaldeei!
- Merkataritza libreko tratatuetatik nekazaritza kanpora: Elikadura ez da merkantzia bat.