LAN OSASUNAREN NAZIOARTEKO EGUNA
ELAk enpresen zigorgabetasuna eta Gobernuen konplizitatea salatu ditu: 15 pertsona hil dira aurten

Halaber, ELAk aldez aurretik prestakuntza-ekitaldi bat egin du Kursaalean, teknologia berriek eta digitalizazioak lan-baldintzetan dituzten ondorioak aztertzeko. Errealitate horrek, gehiegitan, langileen osasun- eta segurtasun-baldintzak hobetu beharrean, are gehiago prekarizatu ditu haien baldintzak, batzuetan desarautuz edo, beste batzuetan, lan-karga oso garrantzitsua erantsiz, eta langileentzat ia ezinezkoa da horri aurre egitea.
Horren inguruan aritu da Henar Álvarez, Leongo Unibertsitateko katedraduna eta gai horietan aditua. Berarekin batera parte hartu dute Tamara Ibáñezek, Gipuzkoako ehungintza sektoreko ordezkaria, eta Usue Cuencak eta Iraia Azpiazuk, biak Kutxabankeko prebentzio ordezkariak. Horien guztien testigantzek adibide zehatzak eman dituzte errealitate horrek egunerokotasunean eragin handia izan duela eta aurre egin diezaiokegula erakusteko.