FCC MEDIO AMBIENTE (NOAIN)

Greba berriki izandako lan heriotza salatzeko

2024/07/22

Uztailaren 19an hil zen uztailaren 10eko gauean lan-istripua izan zuen 59 urteko langilea (I.U). Iruñeko Zerbitzuen Mankomunitateak azpikontratatutako FCC Medio Ambiente enpresarentzat egiten zuen lan, eta altueratik erori zen hondakinak biltzen ari zela zaborrontzi bat askatzen saiatzean, Noain-Eskirotz industriagunean. Hori dela-eta, uztailaren 23a greba eguna izango da.

Heriotza berri horren aurrean, ELAk babesa eta elkartasuna adierazi nahi die biktimaren senide eta lankideei, eta ikerketa sakon bat egitea eskatzen du, ezbehar honen moduko egoeretarako ezarritako segurtasun-protokoloaren balizko ez-betetzeak argitzeko. 2024an jada 12 pertsona hil dira lan-istripuz Nafarroan, horietako asko segurtasun-neurri egokirik gabe ari zirelarik.

Estatistika ofizialen arabera, enpresek, plantillen segurtasuna bermatzeko arduradunak direnak, sistematikoki urratzen dute laneko arriskuen prebentzioari buruzko araudia, eta ez-betetze horiek kontrolatzeko ardura duten erakunde publikoek ez dute horretarako baliabide nahikorik. Gainera, zerbitzu publikoen azpikontratazioan, beheranzko lizitazioek lan-gainkargak eta erritmo handiak agertzea eragiten dute, eta horrek areagotu egiten du horrelako lan-istripu bat izateko arriskua.

Egoera horren aurrean, patronala isilik dago, eta Nafarroako Gobernuak elkarrizketa soziala bultzatzen jarraitzen du, hamarkadetan zehar ezbehar-tasa murrizteko guztiz ezeraginkorra ez dela frogatu den arren. Bien bitartean, lan-ikuskaritzaren transferentziari uko egiten dio Gobernuak, honen plantilla langile faltagatik ia kolapsatuta dagoelarik.

Horregatik, ELAk berehalako neurriak eskatzen ditu zerbitzu publikoetako azpikontratetako plantillen segurtasuna bermatzeko, eta zentzu horretan, bat egiten du FCCko enpresa-batzordeak bihar, asteartea, uztailak 23, deitutako greba egunarekin.