Lan heriotza, Orion

2022/07/06
ELAk jakin ahal izan duenez, Grupo Azkune enpresarentzat lanean ari zen kamioilaria zendu da lan istripu baten ondorioz. Grupo Azkune hormigoi hornitzaile lanetan aritzen den enpresa taldea da. Antza denez, 51 urteko beharginak Aian dagoen hormigoi plantan kamioia kargatu zuen eta Orioko peajea pasa bezain laster, Donostiako noranzkoan zijoala istripua izan zuen eta gidatzen zijoan kamioia irauli zen. Azken hau erretzen hasi zen istripuaren ondorioz, langilea barruan harrapatua geratu zelarik eta zoritxarrez, bertan zendu zen behargina. Heriotza horrekin, dagoeneko gutxienez 43 lirateke 2022ean Euskal Herrian lanean zendutakoak, hamairugarrena Gipuzkoan.

Hildakoaren senitarteko eta lagunei elkartasun eta babes zintzoena adierazi nahiko genioke lenenik eta behin. Eraikuntza sektorean lanaren berezko baldintza gogorrei langileek pairatzen dituzten prekaritate egoera larriak gehitu behar zaizkie. Grupo Azkune enpresaren kasuan zehazki, lanaldi amaigabeei lanaren erritmo jasanezinak gehitu beharko zaizkie; eta horri Prebentzio Legearen etengabeko betegabetzeak.

Egoeraren larritasuna ikusirik, prebentzio legediaren betegabetzeen kontrol eta jarraipen neurriak berehalakoan ezarri ditzala exijitu die ELAk Eusko Jaurlaritzari eta Patronalari. Langileen osasuna eta bizitza erdigunean jarriko dituen erabakiak berehala hartzea inoiz baino beharrezkoagoa da, urtero 50 langile baino gehiagoren heriotza ekiditeko.

Horregatik guztiagatik, enpresa batzordeak hilaren 7, 12:00tan, elkartaratzea deitu du Aiako Hormigoi Plantan (Orioko gainean dagoena) lan heriotza salatzeko.