Hiru langile hil dira astebetean beren lanpostuetan
Laneko ezbeharren kopuruak gora egin du etengabe, eta dagoeneko 57 langile hil dira Hego Euskal Herrian aurten. “Zifra hori guztiz onartezina da, jasanezina eta lotsagarria da”, dio sindikatuak.
ELAk gogorarazi du laneko prekaritateak eta prebentzioan inbertsiorik ez egiteak sufrimendua eta heriotza dakarrela. “Portugaleteko langilearen kasuan, sinestezina da gaur egun oraindik altuerako lanetarako beharrezkoak diren segurtasun prozedurak ez betetzea eta horren ondorioz lanean hildakoak egotea”. Sindikatuak ziurtatu du ezinbestekoa dela norabidea aldatzea laneko segurtasun eta osasunaren arloan, lan prekaritatea geldiarazteko, hori baita hainbeste lan istripuren eta lanbide gaixotasunen jatorria.
“Prebentzioa produkzioaren aurretik jartzen ez bada, langile gehiago gaixotu eta hilko dira. Hori ezin da konpondu orain arte ezagutzen ez diren lan-ildoak aldatu gabe”. Prebentzioaren arloko ez-betetzeak irmotasun handiagoz eta bitarteko handiagoz jazarri eta zigortu behar dira.