Agoitzetik Iruñerako martxa Siemens Gamesaren lantokiaren itxiera salatzeko
Siemens Gamesak Agoitzen duen lantokiko langileak Iruñera joan dira oinez euren lanpostuen defentsan. Martxa Parlamentuaren aurrean amaitu da. Martxaren ostean Ekonomia eta Enpresa Garapenerako kontseilari Manu Ayerdirekin bildu dira. ELAk gogor salatu nahi du Agoitzeko lantokia ixteko asmoa; urtero dirutza irabazten duen eta guztiz bideragarria den proiektu baten inguruan mintzo gara.
Langileek mobilizazio gehiago iragarri dituzte aste honetarako. Arratsaldean, Irati Bizirik herri plataformak antolaturik asanblada egingo da Agoitzen bertan. Uztailaren 24an Langileen Batzordea enpresaren zuzendaritzarekin bilduko da. Uztailaren 25ean, berriz, langileek Irati Bizirik ekimenak antolatuko manifestazioan hartuko du parte.