Aita Menniren (Iruña) langileak elkarretaratu dira hitzarmenaren negoziazioa eskatzeko

2020/09/10

Enpresa batzordeak salatu du bi urtetan ez dela aurrerapausorik eman, eta orain, inoiz baino gehiago, ezinbestekoa dela lan-baldintza duinak lortzea kalitatezko asistentzia bermatzeko.

Aita Menniren (Iruña) langileek elkarretaratzea egin dute gaur, irailak 10, klinikako zuzendaritzari hitzarmena negoziatzeko eskatzeko.
Enpresa-batzordeak (ELAko 3, CCOOko 3, LABeko 2 eta UGTeko 1) honako ohar hau argitaratu du:
"Urtarrilean Nafarroako Gobernuarekin akordio batera iristeko eta kontzertuak errazteko gaitasuna erakutsi dugu.
Baina enpresa hau osatzen dugunok ez gaude gure lan-baldintzak okertzeko prest eta beste negoziazio batzuetan lortu ditugun eskubideak ezabatzea. Hitzarmen kolektiborik ez izateak ondoeza, akidura eta ziurgabetasuna eragiten digu.
Denbora asko daramagu sufritzen, dirurik ez dutela entzuten, Gobernuarekin dituzten kontzertuen sinadura ikusten, beste leku batzuetako obrak ikusten, baita instalazio horietako obra ere. Kontua da zuzendaritzak denbora asko daramala aitzakiak ematen.
Ondorioz, gure hitzarmenak ez du hobekuntzarik ikusten, epaien edo Langileen Estatutuaren bidez izan ezik.
Gainera, zaintzen ditugun pertsonen tarifak igo egiten dira urtero. Bizitzaren kostua ere igo egiten da guretzat, baina gure soldata eta baldintzak ez dira aldatzen. Gehiago lortzeko garaia da ".