ELA ixtearen aurka agertu da, eta enplegua bermatzeko industria plan bat eskatu die enpresari eta Foru Gobernuari

ELA (17 ordezkaritik 2) BSH-Eskirotzeko zuzendaritzak gaur iragarri duen itxieraren aurka agertuko da, justifikatu gabeko neurria delako, kontuan hartzen bada multinazionalak 60 milioi irabazi (Estatuko datua) izan zituela 2023an. ELAk salatu du BSHk ia 700 pertsona langabezian utzi nahi dituela (ikusteko daude enpresa hornitzaleek pairatuko dituzten ondorioak).

Gainera, gaurko bileran, zuzendaritzak ez dio inolako informazio garrantzitsurik eman ordezkaritza sindikalari, 2025eko ekainean Eskirotzeko lantegia ixtearen albistea bakarrik.

ELAk enpresaren formak salatu ditu albiste hau ematean, eta enpresari eta Administrazio Publikoei BSH Eskirotzentzako industria-plan bat eskatu die. Azkenik, sindikatuak iragarri du enplegua ez suntsitzeko borrokatuko dela eta erantzun bat emateko antolatuko dela.