ELA-K aurrekontu sozialak eskatu ditu beste sindikatu eta eragile sozial batzuekin batera
Urrian gure ordezkari politikoak datorren urterako aurrekontuak negoziatzen eta ixten ari dira Foru Gobernuarekin. Testuinguru horretan eta gizarte-premiak gastu-lehentasuna izan daitezen, jardunaldi hauek antolatu ditugu.
Jardunaldi hauen helburua da bermatzen ez diren gizarte-beharrak detektatzea, eta horiekin borroka-eremu txikiak egiten saiatzea errealitate bihur daitezen.
Hona hemen Hezkuntzaren inguruko aldarrikapenak, ELA, LAB, STEILAS eta Sortzenek adostutakoak:
1.- Hezkuntzan BPGren % 6ko inbertsioa eskatzen dugu gutxieneko helburu gisa
2.- Ratioen jaitsiera hezkuntza ziklo guztietan bai irakasleentzat baita ez-irakasleentzat ere. Neurri berean irakasle espezialisten kopurua handitzea, (Orientazio-taldeko kideak, hizkuntza-espezialistak, musika...)
3.- Langileak egonkortzeko eta finkatzeko helburuarekin, plantilen egitura beharrak ebaluatzeko batzorde bat sortzea (ez bakarrik irakasleenak, gainerakoak ere: garbiketa, autobus-zaintzaileak, administrazioko langileak...).
4.- Lan-karga murriztea, irakasle gehiago kontratatzearekin batera.
5.- Ordezkapenak lehenengo egunetik. Horrela, ez genuke gehiago kargatuko irakaslegoa eta ikasleak atendituta egongo ez lirateke erreferentziazko pertsona batekin.
6.- 0-3 zikloa. Zikloaren benetako doakotasuna eskaintzea → Eskola guztiak Nafarroako Administrazio publikoek zuzenean kudeatu behar dituzte, zikloaren kudeaketa eta lanbileen lan-baldintzak homogeneizatuz.
Doako hezkuntza eta Nafarroako berezko bi hizkuntzak errespetatzen dituena, hala aukeratzen duten familia guztiei euskarazko hezkuntza bermatua izan dezaten.
7.- Hizkuntzen Tratamendu integraleko planak diseinatzeko eta garatzeko langileak kontratatzea, PAI bezalako programak atzean utzita.
8.- 0 eta 16 urte bitartean euskaraz ikasteko eskubidea bermatzea Nafarroa osoan, Lanbide Heziketan eta Unibertsitatean euskarazko eskaintza handituz.
9.- Aniztasunerako arretan eta premia espezifikoetan baliabideak gehitzea.
10.- Jantoki-zerbitzua doakoa izatea eta ikastetxeetan sukaldeak suspertzea/sortzea, zerbitzuaren kudeaketa jasangarria kontuan hartuta.
11.- Batxilergoko eta Lanbide Heziketako etapetarako doako garraio-zerbitzua bermatzea, bai jardunaldi jarraituan, bai jardunaldi zatituan, landa-eremuetako idiosinkrasia kontutan hartuz.
12.- Aisialdia. Doakoak diren eta euskarazko eskaintza duten eskolaz kanpoko jarduerak bultzatzea. Horrek laguntzen du hobetzen ikasleen arteko harremanak, euskararen garapena, familia-kontziliazioa…
13.- Hezkuntza-eraikinak birmoldatzea klima krisialdiaren ondorio larriak arintzeko. Pixkanaka-pixkanaka, kontsumo bajuko eraikuntza eredu batera joaz, energia berriztagarriekin, patioak naturalizatuz...